سێ شه‌ممه‌ 16 ته‌مموز 2019
ماڵەوە / کوردستان / گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.

بەپێی هەواڵی گەیشتوو بە ماڵپەڕی هەواڵی زاگرۆس پۆست؛ ئەنجومەنی ژینگەی “وڵات” لە شاری بۆکان لە بەیانییەیەکدا بڵاوی کردوەتەوە کە فەرمانداریی و شارەداری شاری بۆکان دەیانهەوێت، ئەم ئەنجوومەنە کۆتایی بە چالاکییەکانی خۆی بێنێت.
لەو بەیانیەکەدا هاتووە: گوشار خستن بۆ سەر ڕێکخراو و ئەنجومەنەکان لە لایەن هێزەکانی دەسەڵاتەوە، شتێکی نوێ نیە، و ئەو گوشارە هەر لە سەرەتای بە دەسەڵات گەیشتنیان تا ئەمڕۆ بەردەوامە.

هەروەها ئەنجومەنی ژینگەی “وڵات” لە درێژەدا نووسیویەتی: بەپێی ڕاگەیەندراوی پێشووی ئەو ئەنجومەنە، گوشارەکان لە لایەن شارەداری و فەرمانداری شاری بۆکان بۆ داخستنی ئەو ئەنجومەنە بەردەوامە و ئێمە داوا لە خەڵک دەکەین پشتیوانیمان لێ بکەن.

شایانی باسە کە؛ مانگی گوڵانی ڕابردوو دوو ئەندامی ئەنجومەنی ژینگەی “وڵات” بە ناوەکانی جەعفەر ئەمینی و حامید سپێهری بە تۆمەتی پڕۆپاگەندا دژی نیزام لە لایەن دادگای شۆڕشی ڕژیم لە شاری ورمێ بە ١٨ مانگ زیندان مەحکووم کران.

بابەتی هاوپۆل

کوژران و بریندار بوونی ٤ کۆڵبەر لە سنووری سەردەشت

هێزە نیزامییەکانی ڕژیم لە سنووری دۆڵەبی لە شاری سەردەشت تەقەیان لە کاروانێکی  کۆڵبەران کرد کە …