دوو شه‌ممه‌ 10 كانونی یه‌كه‌م 2018
ماڵەوە / ئێران / رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆحانی؛پێم وانەبێ وڵاتێکی دیکە وەکوو ئێران لە بواری ئازادیەوە بوونی هەبێت

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی خوێندکار”، حەسەن روحانی روو بە خوێندکاران لە زانکۆی شاری سمنان باسی لە ئازادی لە ڕادە بەدەری خوێندکاران کرد.

رۆژی چوار شەممە ١٤ ی سەماوەز دوو رۆژ بەر لە ١٦ ی سەرماوەز(١٦ اذر) “رۆژی خوێندکار”، حەسەن روحانی روو بە خوێندکاران لە زانکۆی شاری سمنان وێڕای ڕەد کردنەوەی قەیرانیی بوونی بارودۆخی ئەمرۆی ئێران وتی: پێم وانیە وڵاتێکی وەک ئێران لە دنیادا بێت کە خوێندکاران بتوانن ئاوا بە ئازادی بۆچوون و ڕەخنەکانیان دەرببڕن.

ئەو بە بێ شەرمی تەواوەوە ئیدیعای کرد: بە شێوەی ئاسایی زانکۆکانی وڵاتی ئێمە ئازادترین زانکۆکانن لەباری دەربڕینی ڕەخنە و خوێندکاران زۆر بە ئاسانی بۆچوونەکانیان دردەبڕن. هەڵبەت جێگای بیستنی ئه‌و جۆره‌ قسانه‌ سەرسوڕمان نییە لەبەر ئەوەی خەڵک پێشتریش درۆی لەم جۆرەیان وەک: لە ئێراندا زیندانی سیاسیمان نییە، له‌ ڕووحانی زۆر بیستوە.

ئەم ئیدیعا بێ شەرمانەیە لە حاڵێکدا دەکرێن کە دوژمنایەتی ڕژیمی ئێران لەگەڵ زانست و زانکۆدا لە هەمان سەرەتای هاتنە سەرکاری لە بەرنامەری کاری خۆیدا بووە و لە ژێر حاکمیەتی ڕژیمی ئێران خوێندکارانی تێکۆشەر هەمیشە بە هۆی دەربڕینی بیروبۆچونیان لەژێر گوشاردا بوون.

دوژمنایەتی بەردەوامی عەلی خامنەیی لەگەڵ عولومی ئینسانی و دەرکرانی تەرحی ئەمنیەتی ئەستێرەدار کردن و دەرکردنی خوێندکاران و مامۆستایانی چەپ و ڕادیکاڵ بەشێکی تر لە دژایەتی ڕژیم لەگەڵ زانکۆ و ئازادی بەیان و ئەندیشە بووە لە ئێران.

روحانی لە حاڵێکدا ئیدیعای بوونی ئازادی بەیان و ئەندیشەی لە ئێراندا هەیە کە لە کاتی سەرۆک کۆماری خودی ئەودا و لە جەریانی ناڕەزایەتی گشتی مانگی بەفرانباریساڵی ڕابردووی هەتاوی ژمارەیەک لە خوێنەکاران گیران و دوای ئەشکەنجەدانێکی وەحشیانە لە لایەن ناوەندە ئەمنیەتیەکانەوە، بە پەروەندە سازی درۆینە لە دادگا فەرمایشەیەکاندا بە حوکمی قورسەوە زیندانی کران و لەگەڵ بێبەش بوون لە درێژەی خوێندندا بەرەو روو بوونەوە.

لە مانگی جۆزەردانی ئەمساڵدا ڕژیم لە ترسی پەرەسەندنی ناڕەزایەتی بزوتنەوەی خوێندکاری لەسەر بنەمای هەمان پەسندکراوی دژی زانستی و کۆنەپەرستانەی شوڕای باڵای فەرهەنگی و مۆری تەئیدی مەجلیسی شورای ئیسلامی، سەهمیەی هاوسەران و منداڵانی( ئیسارگەران، گیانبازان و ڕەزمەندەگان بە ئامادە بوونی لانیکەم ٦ مانگ لە بەرەکانی شەڕ) لە کۆنکۆری زانکۆکاندا بۆ ٣٠ ٪ زیاد کرد. بەم ئامانجەی کە بتوانێ بە هێزی بەکرێگیراوی بەسیج وەک خوێندکار بچێتە شەڕ لەگەڵ بزوتنەوەی خوێندکاری.

بەم حاڵەوە سەرەڕای بوونی کەش و هەوایەکی ئەمنیەتی و هەوراز و نشیوەکانی بزوتنەوەی خوێندکاری لە چەند ساڵی ڕابردودا، زانکۆکان هەمیشە سەنگەری خۆراگری و یەکێک لە ئۆرگانە سەرەکیەکانی ناڕەزایەتی و خەبات لەدژی حاکمیەتی دیکتاتۆڕی و یاسا کۆنەپەرستانەکان بووە و دەبێت.

 

بابەتی هاوپۆل

چالاکێکی ژینگەپارێزی کورد پاش ٦ مانگ لە دەستبەسەر کرانی چارە نووسی نادیارە 

چالاکێکی ژینگەپارێزی کورد، لە دوایی ٦ مانگ لە دەستبەسەرکرانی، تا ئێستا هیچ هەواڵێک لە چارەنووسی …