سێ شه‌ممه‌ 20 تشرینی دووه‌م 2018
ماڵەوە / کوردستان / هاوڵاتیەکی بۆکانی لە ڕێگای تؤڕە کۆمەڵایەتیەکانەوە هەڕەشەی لێدەکرێت

هاوڵاتیەکی بۆکانی لە ڕێگای تؤڕە کۆمەڵایەتیەکانەوە هەڕەشەی لێدەکرێت

پارێزەرێکی خەڵکی شاری بۆکان کە هاوکات چالاکی ژینگەپارێزیشە لەلایەن لەلایەن کەسانێکەوە کە خۆیان بە ئەندامی ناوەندە ئەمنییەکانی ڕژیم دەناسێنن هەڕەشەی لێکراوە.

بە پێی هەواڵی گەیشتوو بە زاگرۆس پۆست؛ لەماوەی ڕۆژانی  ڕابردوودا هاوڵاتیەک خەڵکی شاری بۆکان بە ناوی ئارەش فاتحی بۆکانی پارێزەری پایە یەک و چالاکی ژینگەپارێز، بە شێوەی جۆراوجۆر کەسانێک کە خۆیان بە ئەندامی ناوەندی ئەمنیەتی ڕژیم ناساندووە، لە ڕێگای تۆڕە کۆمەڵایەتییەکانەوە هەڕەشەی لێکراوە و داوایان لێکردووە کە واز لە چالاکی ژینگەپارێزی و مەدەنی بێنێت و ئەگەر ئەو کارە نەکات ئەوا ڕووبەڕووی سزای قورس دەبێتەوە.

ئارەش فاتحی بۆکانی پێشتر چەند دۆسیەی بە دژی کاولکاری ژینگەیی شارەوانی و شۆرای شاری بۆکان، لە دادگای ئەو شارە تۆمار کردووە و بەدواداچوونی لەسەر ژینگە و مافی هاوڵاتیانی بۆکان کردووە، خۆبەخشانە پارێزەری دەیان بەندکراوی سیاسی و چالاکی مەدەنی وەئەستۆ گرتووە.

 

گوشار بۆ سەر چالاکانی مەدەنی وژینگەپارێز لە کوردستان تا دێت لە لایەن هێزەکانی ڕژیمی ئێرانەوە زیاتر دەبێت و ڕژیم چالاکی ژینگەپارێزەکان بە دژایەتی خۆی دەزانێت و بە بیانووی جوراوجۆر چالاکانی ژینگەپارێز بانگ دەکات و لێکۆڵینەوەیان لەگەڵ دەکات یان بەند و دەستبەسەریان دەکات.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …