سێ شه‌ممه‌ 23 ته‌مموز 2019
ماڵەوە / ئێران / ‌سۆێید؛ مه‌حكووم کردنی ده‌ستبه‌سه‌ركردنی شۆفیربارهەڵگرەکان

‌سۆێید؛ مه‌حكووم کردنی ده‌ستبه‌سه‌ركردنی شۆفیربارهەڵگرەکان

“پێلاتفۆرمی سه‌ندیكای كرێكارانی سۆێید”به‌ بڵاوكردنه‌وه‌ی به‌یانییه‌ك وێڕای مه‌حكووم كردنی ده‌ستبه‌سه‌ركردنی شۆفیر كامیۆنه‌كان و كامیۆندارانی مانگرتوو، خوازیاری ئازادكردنی خێرا و بێمه‌رجی دەستگیرکراوان بوون.

له‌ به‌شێك له‌م به‌یانییه‌دا هاتووه‌، له‌ ئه‌نجامی مانگرتنی شۆفیر بارهەڵگرەکان له‌ ڕێكه‌وتی ١ی مانگی ڕه‌زبه‌ر، زیاتر له‌ ٢٠٠ كه‌س له‌ شۆفیر بارهەڵگرەکان ده‌ستبه‌سه‌ر و به‌ پێی ڕاپۆرته‌كان ئه‌م ده‌ستبه‌سه‌ركردنانە تا ئەمڕۆ‌ به‌رده‌وامه‌.

شایانی باسه‌ ئه‌و كه‌سانه‌ كه‌ به‌ تۆمه‌تی، تێكدانی ئاسایشی گشتیی و هه‌وڵدان له‌دژی ئه‌منییه‌تی میللی ده‌ستبه‌سه‌ر كراون، تۆمه‌تێكی پڕوپووچه‌ و هیچ پێوه‌ندییه‌كی به‌ داخوازیی ڕه‌وا شۆفیر كامیۆنه‌كانه‌وه‌ نییه‌.

پێلاتفۆرمی سه‌ندیكای كرێكارانی وڵاتی سۆێید” وێڕای پشتیوانی له‌ داخوازی شۆفیری بارهەڵگرەکان و كامیۆنداران، له‌سه‌ر ئه‌و باوه‌ڕه‌یه‌ كه‌ ناڕه‌زایه‌تیی، كۆبوونه‌وه‌ و مانگرتن، مافێكی ڕه‌وا و سه‌ره‌تاییه‌ كه‌ له‌ ته‌واو جیهان به‌ڕه‌سمییه‌ت ناسراوه‌ و هه‌ڵسووكه‌وتی كاربه‌ده‌ستانی قه‌زایی و ئه‌منییه‌تی ڕژیمی ئێران له‌گه‌ڵ مانگرتووان به‌ توندی مه‌حكووم كردووه‌ و خوازیاری ئازادكردنی خێرا و بێ مه‌رجی سه‌رجه‌م شۆفیر بارهەڵگرەکان بوون.

بابەتی هاوپۆل

بەند کراوێکی مەحکوم بە ئیعدام،لە پاتی سێدارە ڕزگاری بوو

به‌ندكراوێکی مەحکوم بە ئیعدام له‌ زیندانی شاری خۆی كه‌ پێشتر به‌ تۆمه‌تی کوشتنی ئەنقەست به‌ …