سێ شه‌ممه‌ 20 تشرینی دووه‌م 2018
ماڵەوە / کوردستان / بریندار بوونی کۆڵبەرێکی کورد بە هۆی تەقینەوەی مین

بریندار بوونی کۆڵبەرێکی کورد بە هۆی تەقینەوەی مین

کۆڵبەرێکی کورد خەڵکی شاری مەهاباد، لە سنووری شاری پیرانشار بە هۆی تەقینەوەی مین بە قورسی بریندار بوو و هەر دوو لاقی لە دەست دا.

بە پێی هەواڵی گەیشتوو بە ماڵپەڕی زاگرۆس پۆست؛ ڕۆژی دووشەممە ٣٠ی ڕەزبەر، کۆڵبەرێکی کورد بە ناوی “شەهاب ئەکفوودە” خەڵکی شاری مەهاباد، بە هۆی تەقینەوەی مین بە قورسی برینداردەبێت، ئەو کۆڵبەرە کوردە لە ناوچەی “کانی خوا” سەر بە شاری پیرانشار لە ترسی بۆسەی هێزە چەکدارەکانی ڕژیم ، چووەتە نێو مەیدانی مین و تووشی ئەو ڕووداوە بووە،ئەو کۆڵبەرە کوردە لە ناوچەیەک بە ناوی (دەلاوان) کە لە لایەن سپای پاسدارانی ڕژیمەوە پێشتر مینڕێژ کراوە، تووشی ئەو ڕووداوە دەبێت.

ئەو کۆڵبەرە کوردە ئێستا لە ناوەندی دەرمانی شاری پیرانشار لەژێر چاوەدێری پزیشکیدایە و باری تەندروستی نالەبار ڕاگەیاندراوە.
هاوڵاتیانی کوردی ناوچە سنوورییەکان بەهۆی بێ‌ دەرەتانی و نەبوونی پیشەیەکی شیاو، روویان لە کاری مەترسیداری کۆڵبەری کردووە و زۆر جاریش ئەو سەرچاوەی ژیانە، بە نرخی لەدەست دانی گیانیان تەواو دەبێت.
لە لایەکی دیکەوە هێزە نیزامییەکانی رێژیمی ئێران بە بەردەوامی کۆڵبەران و کاسبکارانی سەر سنوور دەدەنە بەر دەستڕێژی چەکەکانیان و گیانیان لێ‌ دەستێنن.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …