دوو شه‌ممه‌ 21 كانونی دووه‌م 2019
ماڵەوە / کوردستان / ناڕەزایەتی دانیشتوانی ئاواییەکانی دەوروبەری مەریوان بۆ شوێنی چاڵکردنی زبڵەکان

ناڕەزایەتی دانیشتوانی ئاواییەکانی دەوروبەری مەریوان بۆ شوێنی چاڵکردنی زبڵەکان

دیاری کرانی شوێنی نوێی پاشماوەو زبڵی شاری مەریوان لە لایەن شارەداری و شوڕای ئەو شارە، لە نیزیک ڕووباری “گردەلان” ناڕەزایەتیی چەند ئاوایی ئەو شارەی لێکەوتەوە.

دانیشتووانی ئاواییەکانی “کۆلیج، شێخەکوێرە، دەرێ، نشکاش، وەسنە و نەنە” لە بەرانبەر شوێنی نوێی کۆ کردنەوە و چاڵکردنی زبڵەکانی ئەو شارە لە نزیک ڕووباری “گردەڵان”، لە لایەن شارەداریی و شۆرای شاری مەریوانەوە،کە مەودای شوێنی ڕشتنی زبڵەکان لەگەڵ ڕووبار تەنیا ٣٠٠ میترە ناڕەزایەتییان دەربڕی.

بە پێی هەواڵی گەیشتوو بە زاگرۆس پۆست؛ لە چەند ڕۆژی ڕابردوودا شۆرای شار و شارەداری شاری مەریوان سەردانی ئەو شوێنە نوێیانەیان کرد و ڕایانگەیاندە بوو؛ئەم شوێنە نوێیە بۆ کۆ کردنەوەی پاشماوەکان کاتییە و هەتا دانانی کارگەی “بازیافت”ی زبڵەکانی ئەم شارە، لەم شوێنە بەتاڵ دەکەن.

هەوەها لەو پەیوەندییە ئەنجومەنی سەوزی چیای مەریوان لەم بارەوە ڕایگەیاندووە کە: “دیاری کردنی شوێنی ئاوا بە بارینی باران ئاوەچۆڕەی دەکەوێتە ناو ڕووبارەکەوەو تا ئاوبەندی داریان، پیس دەکا. ئاوی خواردنەوەی ئەم چەند ئاواییە لەو ئاوە پێکدێت و ئەو کارە درووست نییە و لە داهاتوودا کارەساتی ژینگەیی زۆری لێدەکەوێتەوە.

 

 

 

 

 

 

 

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …