سێ شه‌ممه‌ 20 تشرینی دووه‌م 2018
ماڵەوە / ئێران / مانگرتنی گشتی مامۆستایان لە ئێران و ڕۆژهەڵاتی کوردستان

مانگرتنی گشتی مامۆستایان لە ئێران و ڕۆژهەڵاتی کوردستان

بۆ ناڕەزایەتی دەڕبڕین بە بارودۆخی خراپی سیستمی پەروەردە و دۆخی خراپی ژیانی مامۆستایان، لە ڕۆژی یەکشەممە ٢٢ی ڕەزبەرەوە لە هەموو شارەکانی ئێران،بە تایبەت لە ڕۆژهەڵاتی کوردستان مانگرتنی گشتی مامۆستایانی قوتابخانەکان دەستی پیکرد.

خراپی باری ژیانی مامۆستایان و سەقەت بوونی بواری پەروەردە لە ئێران بۆ ساڵیانێکی زۆرە درێژەی هەیە و نارەزایەتی دەربڕین بەو بارودۆخە بە شێوازی جۆراوجۆر بەردەوام بووە و سەرەڕای لەمپەرەکان، مامۆستایان بە درووستکردنی ڕێکخراوەی پیشەیی سەربەخۆ لەسەر داخوازییە ڕەواکانی خۆیانیان بەردەوام بوون و لەو پێناوئەوەشدا دەیان مامۆستا تووشی دەرکردن و زیندان بوون و یان تا ئێستاش لە زینداندا ماون.

لە درێژەی ئەم نارەزایەتییانە و داوی ئازادکردنی مامۆستایانی گیڕاو لە سەر داوای ڕێکخراوی پیشەیی مامۆستایان رۆژانی یەکشەممە و دووشەممە ڕێکەوتی ٢٢ و ٢٣ی ڕەزبەر مانگرتنی گشتی لە قوتابخانەکانی ئێران ڕاگەیاندرا و لە هەموو ئێران و بەتایبەت لە  ڕۆژهەڵاتی کوردستان بەرەوپیری ئەو بانگەوازەوە هاتوون و مامۆستایان  بە نەچوونە سەر کلاسەکانی دەرس، دەستیان دایە مانگرتنی گشتی بەربڵاو.

 

 

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …