هه‌ینی 18 تشرینی یه‌كه‌م 2019
ماڵەوە / کوردستان / سپای پاسدران بەردەوام چەک و چۆڵ هەناردەی کوردستان دەکات

سپای پاسدران بەردەوام چەک و چۆڵ هەناردەی کوردستان دەکات

سپای پاسدارانی ڕژیم لە چەند ڕۆژی ڕابردوودا چەک و چۆڵی قورس و نیوە قورسی شەڕ وەکوو تانک و تۆپ و کاتیووشا و… بۆ شاری شا ئاباد لە پارێزگای کرماشان گواستوەتەوە.

سپای پاسدارانی ڕژیم لە چەند مانگی ڕابردوودا  چەکوچۆڵی قورس و نیوەقورس بۆ شارەکانی کوردستان هێناوە لە سەر سنوورەکان جێگیر کردووە و دەستی داوەتە نۆژەن کردنەوەی پایەگاکان، و ڕۆژهەڵاتی کوردستانی زیاتر میلیتاریزە کردووە.

هێنانی چەک وچۆڵ لە شارەکانی دیکە ئێران بۆ کوردستان لە لایەن سپای پاسدارانی ڕژیمەوە کوردستانی لەگەڵ ئەمنیەتیکردن و میلیتاریزەکردنی زیاتر بەرەوڕوو کردووەتەوە.

هەروەها هێزەکانی ڕژیم لە نێوان جادەی شارەکانی کوردستان دەستی داوەتە پشکنینی ماشینی هاوڵاتیان  ، کە ئەم کارە نیگەرانیی هاوڵاتیانی لێکەوتووەتەوە.

ڕژیمی ئێران بە بیانووی چالاکیی حیزبە کانی ئۆپۆزسیۆنی حکوومەتی ئێران، بەردەوام لە کوردستان خەریکی بەڕێو بردنی مانۆڕی نیزامیە و گوشار خستنە سەر خەڵکە و هەروەها بەم بۆنەوە لە ئەم ساڵی هەتاویدا زیاتر لە ٢٥٠ هێکتار لە دارستان و لەوەڕگەکانی کوردستان لە نێو ئاگری بە ئەنقەست و مانۆڕ و تۆپباران کردنی سنوورەکان ودارستانەکان  لە لایەن هێزەکانی سپای ڕژیم سووتاون و لا ناو چوونە.

 

بابەتی هاوپۆل

هەڵبژاردنی کۆچەر بیرکار وەک یەکم بیرمەندی ساڵ لە جیهاندا

دامه‌زراوه‌ی “پرۆسپێكت، پڕۆفیسۆر “کۆچەر بیرکار”، مامۆستا و زانای کورد لە بواری بیرکاریی وه‌ک بیرمه‌ندی یەکەمی …