هه‌ینی 21 ئه‌یلول 2018
ماڵەوە / کوردستان / بریندار بوونی کۆڵبەرێکی دیکە لە پیرانشار

بریندار بوونی کۆڵبەرێکی دیکە لە پیرانشار

هێزە نیزامیەکانی ڕژیم لە سنووری شاری پیرانشار کاروانی کۆڵبەرانیان دایە بەر دەسڕێژی گولە، و لە ئاکامدا کۆڵبەرێک بریندار دەبێت.

بە پێی هەواڵی گەیشتوو بە ماڵپەڕی زاگرۆس پۆست؛ ڕۆژی یەکشەممە ١١ی خەرمانان، هێزە نیزامییەکانی ڕژیم لە ئاوایی “ماشکان” سەر بە شاری پیرانشار تەقەیان لە ژمارەیەک کۆڵبەری کورد کردووە، بەو  هۆیەوە کۆڵبەرێکی کورد بە ناوی “عەلی عەرەب” بە سەختی بریندار بوو و هەروەها دوو کۆڵبەری دیکەش لەو ڕووداوەدا بێ‌سەروشوێن دەبن.

هەروەها ڕۆژی ١٠ی خەرمانان کۆڵبورێکی کورد خەڵکی شاری بانە بە ناوی مەحمود کتابی دوایی ئەوەیکە  لە سنووری سەردەشت لەلایەن هێزەکانی سپای پاسدارانەوە دەستبەسەر کراوە، گوللەباران دەکرێت.

کۆڵبەرێکی کوردی خەڵکی بانە بەناوی مەحموود کتابی تەمەن ٢٤ ساڵ تەمەن، دوایی ئەوەیکە  لە سنووری سەردەشت لەلایەن هێزەکانی سپای پاسدارانەوە دەستبەسەر کراوە، تەرمەکەی ڕادەستی نەخۆشخانە دەکرێت.

بە پێی هەواڵی هەنگاو؛ ژنی ئەو کۆڵبەرە ڕایگەیاندووە کە ئێمە تا دوو رۆژ پێش کە لە سنووری سەردەشت لەگەڵ ناوبراو قسەمان کردووە، شەوی هەینی کاتێک تەلەفۆنمان بۆی کردووە کەسێک بە زمانی فارسی وڵامی داوەتەوە و وتوویە کە ئەم تەلەفۆنەی لە بازاری سەردەشت دۆزراوەتەوە. بەڵام دوای یەک ڕۆژ هەمان کەس پێمانی وتووە کە تەرمی خاوەن موبایلەکە لە کوێستانەکانی پیرانشار دۆزراوەتەوە و گوازراوەتەوە نەخۆشخانەی شاری سەردەشت.

پێشتر چەند جار مەحموود کتابی لە لایەن هێزەکانی ئیتلاعاتی ڕژیم لە شاری بانەوە بانگهێشت کرابوو.

 

 

 

بابەتی هاوپۆل

بریندار و گیان لە دەستدانی سێ کۆڵبەر لە سنووری چاڵدێران

ڕۆژی سێ شەممە ۲۷ی خەرمانان لە سنوری چاڵدێران هێزە چەکدارەکانی ڕژیم کاروانی کۆڵبەران دەدەنە بەر …