سێ شه‌ممه‌ 26 ئازار 2019
ماڵەوە / کوردستان / ڕۆژهەڵاتی کوردستان و ماتەمین بۆ چوار چالاکی ژینگە پارێزی شاری مەریوان

ڕۆژهەڵاتی کوردستان و ماتەمین بۆ چوار چالاکی ژینگە پارێزی شاری مەریوان

ڕێو ڕەسمی ئەسپەردە کردنی تەرمی گیانبەختکردووانی ژینگە پارێزی شاری مەریوان،بە بەشداری ژمارەیەکی بەر چاو لە خەڵکی شاری مەریوان و هەوەها شارەکانی دیکەی کوردستان بە ڕێو چوو.


سەر لە بەیانی ڕۆژی یەکشەممە ٤ی خەرمانان، خەڵکی شاری مەریوان و هەروەها ژمارەیەکی بەرچاو لە هاوڵاتیانی شارەکانی دیکەی کوردستان، لە ڕێوڕەسمی ناشتنی تەرمی چوار چالاکی ژینگەپاریزی شاری مەریوان بە تایبەتی شەریف باجوەر، بەشداریان کرد و ڕێو ڕەسمێکی پڕ شکۆیان بە ڕێوە برد.

سەعاتی دەی بەیانی ڕۆژی یەک شەممە خەڵکێکی زۆر لە  سەرجەم شارەکانی کوردستان و هەروەها بە بەشداری خەڵک لە شارەکانی دیکەی ئێرانەوە لە بەردەم بینای مزگەوتی سەلاحەدینی ئەیووبی ئەو شارە لەگەڵ تەرمی شەریف باجوەر و هاوڕێیەکانی بەرەو گۆڕستانی دارسەیران کە ١٠ کیلۆمێتر دەبێت بە پیادەتاکوو ئەو شوێنە ڕۆیشتن.
خەڵکی کوردستان و شاری مەریوان لە گەڵ تەرمی گیانبەختکردوانی ژینگە پارێزی مەریوان تا گەیشتن بە گۆڕستانی دارسەیران، دروشمی “زیندانی سیاسی دەبێت ئازاد بکرێت”،”سپای پاسداران تاوانبارە لە ئاگرتێبەردانی دارستانەکانی کوردستان” ،”فەرماندار فەرماندار بەرکنار” و “شەریف باجوەر ڕێگات درێژەی هەیە”،دووپات کردەوە.
ئەمڕۆ لە گەڵ ئەو ڕێپێوانەدا هیچ هێزێکی نیزامیی و ئەمنییەتی ڕژیم لە ترسی تووڕەیی خەڵک دژ بە ڕژیم و هێزەکانی، نەیانوێرا نزیک ئەو خەڵکە ببنەوە.

ڕۆژی شەممە ٣ی خەرمانان، چوار چالاکی ژینگەپارێز، خەڵکی شاری مەریوان بە ناوەکانی “شەریف باجوەر، ئومید کۆنەپۆشی، ڕەحمەت حەکیمی نیا و محەممەد پژوهی” لە کاتی کوژاندنەوەی ئاگری دارستانەکانی سەڵەسی ئەم شارە گیانیان لەدەستدا.

 

بابەتی هاوپۆل

بەند کراوی سیاسی کورد خەڵکی شاری سەقز چارە نووسی نادیارە

سەرەڕای تێپەڕ بوونی یەک مانگ بە سەر دەستبەسەر کردنی هاوڵاتیەکی کورد، هیچ هەواڵێک لە چارەنووسی …