سێ شه‌ممه‌ 20 تشرینی دووه‌م 2018
ماڵەوە / ئێران / گوڕینی فەرماندە نیزامیەکانی ڕژیمی ئێران لە لایەن خامنەیەوە

گوڕینی فەرماندە نیزامیەکانی ڕژیمی ئێران لە لایەن خامنەیەوە

عەلی خامنەیی لە درێژەی گۆڕینی فەرماندەی هێزە نیزامیەکان ، عەلیڕەزا تەنگیسەریی فەرماندەی هێزی دەریایی سپای پاسدارانی دیاری و عەلی فەدەوی وەک جێگری ناوبراو دەستنیشان کرد.

عەلی فەدەوی پێشتر فەرماندەی هێزی دەریایی سپای پاسدارانی ڕژیم بووە کە بە فەرمانی خامنەیی بە جێگەی جەماڵەدین ئابڕوومەند وەک جێگری هاوئەهەنگی سپا دەستنیشان کرابوو.

لە سەرەتای ئەم حەفتەیەدا خامنەیی فەرماندەی هێزی ئاسمانی ئەرتشی ئێرانیشی گۆڕی، لە ماوەی یەک ساڵی ڕابردوودا نزیکەی دە فەرماندەی باڵای هێزە کانی نیزامی ڕژیمی ئێران بە فەرمانی خامنەی گۆڕدراون.

ئاڵۆگۆڕ و گۆڕانکاری لە پۆستە باڵا نیزامیەکانی ئێران لەلایەن خامنەیی کە خۆی فەرماندی گشتیی هێزە کانی ئێرانە، لە کاتێکدایە کە گرژی و ئاڵۆزی کەوتوەتە نێوان ئێران و ئەمریکا و ئیسرائیل، هەروەها لە ڕۆژانی ڕابردووشدا ڕوحانی سەرۆککۆماری ڕژیم پەردەی لە سەر یەکەم فڕۆکەی جەنگیی بەرهەمی خودی ئێران لابرد، کە لەلایەن ئەمریکاوە تانەی لێدرا کە ئەو فرۆکە پێشتر دەستکرد و بەرهەمی ئەمریکا بووە و دەستکاری و ڕەنگ کراوە.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …