دوو شه‌ممه‌ 15 تشرینی یه‌كه‌م 2018
ماڵەوە / کوردستان / دادگای شاری سنە  سێ چالاکی کرێکاری تاوانبار کرد

دادگای شاری سنە  سێ چالاکی کرێکاری تاوانبار کرد

٣چالاكی‌ كرێكاریی كورد و ئه‌ندامی‌ هه‌یئه‌تی‌ به‌ڕێوه‌به‌ریی ئه‌نجومه‌نی‌ سێنفیی كرێكارانی‌ نانه‌واخانه‌كانی‌ سنه‌ له‌و شاره‌ دادگایی كران.

ڕۆژی ١٣ی گەلاوێژ دادگای شۆڕشی شاری سنە سێ چالاکی کرێکاری بەناوەکانی جەمیل شەهابی، ئارمین شەریفە و یەدی سەمەدی بەرێوە چوو و دادگا ئەو تۆمەتانەی کە خستبوویە پاڵیان ئاشکرا کرد.

بە پێی هەواڵی گەیشتوو بە ماڵپەڕی زاگرۆس پۆست: دادگای شۆرشی شاری سنە حوکمی بەسەر ئەم سێ چالاکەدا سەپاندووە و لە ماوەی رۆژانی داهاتوو دا ئەو حوکمە ڕادەگەیێنێت.

یه‌دوڵڵا سه‌مه‌دی‌ و ئه‌میر شه‌هابی ڕۆژی‌ ١١ی‌گوڵان واته‌ ڕۆژی‌ جیهانی كرێكار ده‌ستبه‌سه‌ر كران و ئارمین شه‌ریفه‌ حه‌وتەیه‌ك پاش ئه‌وان ده‌ستبه‌سه‌ر كرابوو.

ڕۆژی‌ ٢٥ی گوڵانی ئه‌مساڵی هەتاوی یه‌دوڵا سه‌مه‌دی‌ و ئه‌میر شه‌هابی له‌گه‌ڵ چالاكێكی‌ كرێكاریی دیكه‌ به‌ ناوی‌ ئاڕمین شه‌ریفه‌ به‌ دانانی‌ بارمته‌ تا كاتی‌ دادگاییكردن له‌ زیندانی‌ ناوه‌ندیی سنه‌ ئازاد كرابوون.
 

 

 

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.