پێنج شه‌ممه‌ 21 شوبات 2019
ماڵەوە / کوردستان / چالاکانی مەدەنی شاری بۆکان لە ژێر چاودێری و هەڕەشەی ئیتلاعات

چالاکانی مەدەنی شاری بۆکان لە ژێر چاودێری و هەڕەشەی ئیتلاعات

هێزە ئەمنیەتیەکانی رێژیم ماوەیەکە هاوکات لە گەڵ میلیتاریزە کردنی شارەکانی ڕۆژهەڵاتی کوردستان و هێنانی چەکوچۆڵی قورس بۆ ناوچە سنوورییەکان، بە هەموو شێوەیەک و بیانوویەک چالاکانی سیاسی و مەدەنی کورد بانگهێشت دەکەن و هەڕەشە و لێپرسینەوەیان لێدەکەن.

 

بە پێی هەواڵی گەیشتوو بە ماڵپەڕی زاگرۆس پۆست: ئیدارەی ئیتلاعاتی سپای پاسدارانی ڕژیم لە شاری بۆکان ، لە ماوەی یەک مانگی ڕابردوودا گوشار وهەڕەشەکانیان بۆ سەر چالاکانی مەدەنی وسیاسی ئەو شارە زۆرتر کردووە
بە هۆی بەردەوامی ناڕەزایەتیەکان و مانگرتنەکان لە ئاستی ئێران و ڕۆژهەڵاتی کوردستان کە دەسەڵاتدارانی ڕژیمی تووشی شڵەژاویی کردوە، هەربۆیە بە هەموو شێوەیەک گوشاریان خستۆتە سەر چالاکانی مەدەنی وسیاسیی کورد و هەڕەشەیان لێدەکەن .

هەروەها ناوەندە ئەمنییەکانی ڕژیم لە شاری بۆکان بە پێوەندی گرتن و، بانگهێشت کردنی چالاکانی شاری بۆکان بە توندی هەڕەشەیان لێدەکەن کە دەبێت لە ئاستی رووداوەکانی ئێران و کوردستان بێدەنگ بن و چالاکییان نەبێت وڕاشیانگەیاندوە لە ئەگەری جێبەجێ نەکردنی ئەو بڕیارانە، رووبەرووی سزای قورس دەبنەوە.

 

بابەتی هاوپۆل

سادق لاریجانی: ئێمە لە ئێران زیندانی سیاسیمان نییە

سادق لاریجانی، سەرۆکی دەزگای دادوەریی ڕژیمی ئێران وێرای ڕەخنە لەو کەسانەی کە داوای ئازاد کردنی …