زاگرۆس پۆست
لە دوایی بۆمەلەرزەکەی ساڵی ڕابردووی پارێزگای کرماشان بە هۆی پێڕانەگەیشتن و کەم تەرخەمی بەرپرسانی ڕژیم بەو ناوچانە،خەڵکی لێقەوماو تووشی سەدان کێشە و لە باری دەروونیەوە تووشی خەمووکی بوون،کە تا ئەمڕۆ قوربانی لێدەکەوێتەوە.
ڕۆژی یەکشەممە ٧ی گەلاوێژ دوو کچی مێر منداڵ بە ناوەکانی مریەم ڕۆستەمی تەمەن ١٧ ساڵ و نووشین ڕۆستەمی تەمەن ١٦ ساڵ خەڵکی سەرپێڵ زەهاو بە هۆی کێشەی پێداویستیەاکنی ژیانیان و گوشاری دەروونی کۆتاییان بە ژیانی خۆیان هێناوە.
بە پێی هەواڵی گەیشتوو بە ماڵپەڕی زاگرۆس پۆست: نووشین ڕۆستەمی خەڵکی ئاوایی قەڵخانی و مریەم ڕۆستەمی خەڵکی ئاوایی زەعفەران سەر بە شاری سەرپێل زەهاو بوون.
ئەوو دوو کچە مێرمنداڵە هەر دووکیان خزم بوون و لە ڕێگای خواردنی حەبەو کۆتاییان بە ژیانی خۆیان هێناوە.
ئەو دوو کچە مێرمنداڵە لەماوەی چەند حەفتەی ڕابردوودا بە هۆی ژیانی سەخت و پڕ لە ئازاری دوای بوومەلەرزە و گوشاری دەروونی، تووشی خەمۆکی بوون.
