زاگرۆس پۆست
ڕۆژی ۷ی گەلاوێژ ، خوێندکاری کورد خەڵکی کامیاران بە ناوی “کامبیز نەدیمی” بانگهێشتی ئیدارەی ئیتلاعاتی ڕژیم لەو شارە کرا و لێکۆڵینەوە و لێپرسینەوەی لە گەڵ کرا.
بە پێی هەواڵی گەیشتوو بە ماڵپڕی زاگرۆس پۆست:کامبیز نەدیمی لەلایەن ئیدارەی ئیتلاعاتی شاری کامیارانەوە بە تۆمەتی پەیوەندی لەگەڵ دامەزراوە مافە مرۆییەکان و ناردنی ڕاپۆڕت بۆ ئەم ڕێخراوانە هەروەها ئەندامەتی لە کەمپەینی بەرگری لە ئیعدامی زیندانی سیاسی کورد ڕامین حسێن پەناهی و کۆکردنەوەی واژۆ بۆڕێگری لە ئێعدامی ئەو زیندانییە، تاوانبار و لێکۆڵینەوەی لەسەر کراوە.
ناوبراو لە دوایی دووکاتژمێر لێپرسینەوە، ئازاد دەکرێت و پێیان ڕاگەیەندووە کە لە ماوەی ڕۆژانی داهاتووشدا سەرلەنوێ لەڕێی تلەفوونەوە بانگهێشت دەکرێ و دەبێت سەردانی ئیتلاعاتی ئەو شارە بکات.
کامبیز نەدیمی ۲۵ ساڵ تەمەن، خەڵکی شاری کامیارانە و خوێندکاری کارناسی میکانیک لەزانکۆی ســنە یە.
