زاگرۆس پۆست
دادگای شۆڕشی شاری تاران، یەکێک لە بەڕێوەبەرانی ماڵپەڕی مجذوبان نور، بە ١٢ ساڵ زیندان، ٧٤ زەربە قامچی و ٢ ساڵ دوورخرانەوە بۆ ناوچەی سەلاسی باوەجانی مەحکووم کرد.
کەسرا نووری خوێندکاری باڵا لە بەشی مافی زانکۆی تاران و یەکێک لە بەرێوەبەرانی ماڵپەڕی مجذوبان نور،لە لایەن لقی ٢٦ی دادگایشۆڕشی شاری تاران، بە ١٢ ساڵ زیندانی تەعزیری، ٧٤ زەربە قامچی و ٢ ساڵ دوورخرانەوە بۆ ناوچەی سەلاس باوەجانی، ٢ ساڵ بە نەچوونەدەرەوە و، ٢ ساڵ بێبەریکردن لە ئەندامیەتی لە گرووپەکان و حیزبەکان و لایەنە سیاسی و کۆمەڵایەتییەکان و چالاکیی میدیایی مەحکووم کرا.
ناوبراو پێشتر، لە ساڵی ١٣٩٠ی هەتاوی تاکووساڵی ١٣٩٤ی هەتاوی، بە هۆی چالاکیی میدیاییەوە لە پێوەندی لەگەڵ دەروێشەکانی گونابادی، لە زیندانی عادڵ ئاوای شیراز و زیندانی ئیڤینی شاری تاران بەندکرابوو.
ئەو چالاکە مەدەنیە کە لە دەروێشەکانی گونابادییە، ڕۆژی یەکشەممە ١٧ی ڕەشەمەی ساڵی ڕابردوو لە ئاکامی ناڕەزایەتییەکانی دەروێشە گونابادییەکان لە شەقامی گوڵستانی حەوتی تاران ، لە لایەن هێزەکانی لیباس شەخسییەوە دەسبەسەر کرا و، لە دوایی لێکۆڵینەوە لە گرتووخانەی ئیتلاعاتی شاری تاران بۆ زیندانی ناوەندی تاران گوازرایەوە.
