سێ شه‌ممه‌ 16 تشرینی یه‌كه‌م 2018
ماڵەوە / ئێران / مانگرتنی کرێکارانی کوردی کورەخانەکانی شاری تەورێز

مانگرتنی کرێکارانی کوردی کورەخانەکانی شاری تەورێز

کرێکارانی کوردی کورەخانەکانی شاری تەورێز لە پارێزگای ئازەبایجانی ڕۆژهەڵات، کە زیاتر لە ٢٠٠٠ کرێکارن بە نیشانەی ناڕەزایەتی دەر بڕین بە کەم بوونی حەقدەستەکانیان دەستیان دایە مانگرتن.

 

لە ڕۆژی شەممە ٦ی گەلاوێژ، زیاتر لە ٢٠٠٠کرێکاری کورد لە کوورەخانەکانی شاری تەورێز مانیان گرتووە.

بە پێی هەواڵی گەیشتوو بە ماڵپەڕی زاگرۆس پۆست:ئەو کرێکارانە کوردە بە نێشانەی ناڕەزایەتی دەربڕین بە زیادنەکردنی حەقدەستەکانیان دەستیان دایە ناڕەزایەتی دەربڕین و مانگرتن.

لە ماوەی چەند مانگی ڕابردوودا نرخی هەموو شتێک بە نیسبەت ساڵی پێشوو چەند بەرابەر بەرز بووەتەوە،بەڵام حەقدەستی کرێکارانی کوورەخانەکان هەر وەک خۆی ماوەتەوە.

بە وتەی یەکێک لەو کرێکارانە؛ ساڵی ڕابردوو ئەوان بۆ بڕینی هەر ١٠٠٠ خشت بڕی ٣٧ هەزارتمەنیان وەرگرتووە و ئەمساڵیش هەر ئەو بڕە پارە دیاری کراوە بۆمان.

شایانی باسە کە ئەو کرێکارانە تا ئێستا چەند جار داواکاریەکانیان بە بەرپرسان ڕاگەیاندووە و ناڕەزایەتیان دەر بڕیە،بەڵام لە لایەن ساحیب کارەکەیانەوە هیچ وڵامێکیان نەدراوەتەوە و ئەو بڕە پارەیە زیاد نەکراوە.

زۆرتر لە ٥٠٠ بنەماڵەی کورد کە زیاتر لە ٢٠٠٠ کەس دەبن، لە کوورخانەکانی شاری تەورێز لە دۆخیکی ناجێگیر و بە کەمترین حەقدەست خەریکی کار کردنن.

 

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.