یه‌ك شه‌ممه‌ 27 ئه‌یلول 2020
ماڵەوە / کوردستان / بریندار بوونی دوو کۆڵبەر لە شاری سەردەشت

بریندار بوونی دوو کۆڵبەر لە شاری سەردەشت

 لە درێژەی تەقە کردن لە کۆڵبەرانی کورد لە ڕۆژهەڵاتی کوردستان لە لایەن هێزەکانی ڕژیمی ئێرانەوە ، دوو کۆڵبەری کورد خەڵکی شاری سەردەشت بە سەختی بریندار بوون.

ڕۆژی هەینی ٥ی گەلاوێژ، دوو کۆڵبەری کورد خەڵکی شاری سەردەشت،بەناوەکانی حسێن خەڵکی ئاوایی گەردەنە و کۆسرەت مامەند خەڵکی ئاوایی دۆڵەتوو لە لایەن هێزە چەکدارەکانی ڕژیمی ئێرانەوە درانە بەردەسڕیژی گوللە و لە ئەنجامدا ئەو دوو کۆڵبەرە بە سەختی بریندار بوون.

بە پێی هەواڵی گەیشتوو بە ماڵپەڕی زاگرۆس پۆست: ئەو دوو کۆڵبەرە باری تەندروستیان ناجێگیرە و  حوسێن بۆ چارەسەری پزیشکی ڕەوانەی یەکێک لە نەخۆشخانەکانی شاری “قەڵادزێ” لە باشووری کوردستان کراوە.

هەروەها دەوترێ کۆڵی ئەو دوو کۆڵبەرە ،(گوێز) بووە و لە لایەن هێزەکانی جێگیر لە پاسگای دۆڵەتوو، تەقەیان لێکراوە ودوو سەر لە ئەسپەکانی ئەو دوو کۆڵبەرشیان کوشتووە و دەستیان بە سەر کەل وپەلەکەیاندا گرتووە.

 

بابەتی هاوپۆل

موژگان کاووسی کۆتایی بە مانگرتن لە خواردن هێنا

رۆژی چوارشەممە ٢ی ڕەزبەر، موژگان کاووسی، نووسەر و لێکۆڵەری کوردی یارسانی لە گرتووخانەی ئێڤین، پاش …