پێنج شه‌ممه‌ 18 تشرینی یه‌كه‌م 2018
ماڵەوە / کوردستان / ڕژیمی ئێران کارتی میللی بەکچانی شیناوێ نادات

ڕژیمی ئێران کارتی میللی بەکچانی شیناوێ نادات

حسێن ئەحمەدی نیاز پارێزەری کچانی شیناوێ دەڵێت: بە هۆی سووتانی قامکی یەکێک لەو کچانە،بەرپرسانی ڕژیم بۆ هەناردنیان بۆ دەرەوەی وڵات، کارتی میللیان پێ نادەن.

پارێزەری کچانی شیناوێ رایگەیاند: دەوڵەت بەرپرسە لە دابینکردنی مافی کچانی قوتابخانەی شیناوێ، و ئەمەش لە کاتێکدایە، کە تا ئێستا هەر شتێکیان بەوان داوە، سووکایەتیەکی زۆری لەگەڵدا بووە.

ئەو پارێزەرە هەروەها دەڵێت: بە هۆی ئەوەی کە کچانی شیناوێ، پەنجەکانیان تووشی سووتان بووە بۆ وەرگرتنی کارت میللی شوێنپەنجەیان نییە،لە گەڵ کێشەی زۆر ڕوبەڕوو بوونەتەوە.

حسێن ئەحمەدی‌نیاز، هەروەها باسی ئەوەی کرد کە وەزیری بێهداشت بەڵێنی دابوو کە هەموو ئامادەکارییەک بۆ درمان و ناردنی ئەو کچانە بۆ دەرەوەی ولات بکات، تەنانەت ئەگەر بوودجەی دەوڵەت بەشی نەکرد، ئامادەیە خۆی ئەو بوودجەیە دابین بکات.

بە وتەی حسێن ئەحمەدی‌نیاز: لە ماوەی شەش ساڵی ڕابردوودا، تا ئێستا زیاتر لە ٣٦٠ نەشتەرگەری بۆ ئەو کچانە کراوە، دەبێت دەوڵەت قەرەبووی خەسارەتی زیانلێکەوتووان بکاتەوە.

 

 

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.