زاگرۆس پۆست
ڕۆژی سێ شەممە ۲۶ی پووشپەڕ تۆپخانەکانی سپای پاسدارانی ڕژیمی ئێران بۆ جارێکیتر دەستیان دایە تۆپباران کردنی کوێستانەکانی هەڵگورد و بەربزێن لە نێو خاکی باشووری کوردستان.
بۆردمان کردنی ناوچە سنووریەکانی باشووری کوردستان لە چەند ڕۆژی ڕابردوودا بەشێوەی بەردەوام لە لایەن سپای پاسدارانی ڕژیمی ئێران لەئارادا بووە و خەسارێکی زۆری بە ژینگە ودارستانەکانی ئەو ناوچەیە گەیاندووە.
ڕژیمی ئێران بە بۆردمان کردنی ئەم ناوچانە لەهەوڵی ئەوەدایە سیاسەتە دژە کوردی خۆی بەسەر حکوومەتی هەرێمدا بسەپێنێت و دەیەوێت بەو شێوەیە ڕێگری بکات لە چوونەوەی حیزبە ئوپۆزیسۆنەکانی ڕۆژهەڵاتی کوردستان بۆناوخۆ.
سپای پاسداران هەموو ساڵێک لە ورزی هاویندا،هێزی زۆر بە چەکی قورس و سووک لە سنوورەکانی ڕۆژهەڵات و باشووری کوردستان جێگیردەکات و دەست ئەداتە تۆپباران کردن و ئاگر دانی دارستانەکان و ژینگەی ناوچە سنووریەکان.
