هه‌ینی 21 ئه‌یلول 2018
ماڵەوە / سیاسی / دوو کەس لە شاری بۆکان دەستبەسەر کران

دوو کەس لە شاری بۆکان دەستبەسەر کران

دوو برای خەڵکی شاری بۆکان، کە بۆ سەفەرێکی کاری سەردانی هەرێمی کوردستانیان کردبوو، بە دوای گەڕانەوەیان، دەستبەسەر کراون.

بەپێی هەواڵی گەیشتوو بە ماڵپەڕی زاگرۆس پۆست، بەرەبەیانی شەممە، ڕێکەوتی ١٦ی پووشپەڕ، هێزەکانی سەر بە ئیتلاعاتی بۆکان،  هێرشیان کردووەتە ماڵی دوو برا لە شاری بۆکان و دەستبەسەریان کردوون.

شوناسی ئەم دووبرایە ” عەزیز ڕەشیدی” تەمەن ٢٧ سال و “ئامانج ڕەشیدی” تەمەن ٢٨ ساڵ، ڕاگەیەندراوە.

سەرچاوەیەکی ئاگادار بە هەواڵنێری زاگرۆس پۆستی راگەیاندووە کە؛ ” هێزەکانی سەر بە ئیتلاعات، بە بێ هیچ بەڵگەیەکی فەرمی هێرشیان بردووەتە ماڵیان و ئەم دوو برایەیان خستووەتە بە لێدان و پاشان دەستبەسەریان کردوون”.

جیگای ئاماژەیە ئەم دوو برایە ماوەیەک پێش ئێستا، بۆ سەفەرێکی کاری سەردانی شاری سلێمانی لە هەرێمی کوردستانیان کردووە و بە دوای هاتنەوەیان لە لایەن هێزەکانی سەر بە سپاوە دەستبەسەر کراون.

 

بابەتی هاوپۆل

بریندار و گیان لە دەستدانی سێ کۆڵبەر لە سنووری چاڵدێران

ڕۆژی سێ شەممە ۲۷ی خەرمانان لە سنوری چاڵدێران هێزە چەکدارەکانی ڕژیم کاروانی کۆڵبەران دەدەنە بەر …