چوار شه‌ممه‌ 21 تشرینی دووه‌م 2018
ماڵەوە / سیاسی / دەستبەسەر کرانی شاعێر و نووسەری بۆکانی لە لایەن  هێزەکانی ئیتلاعەتەوە

دەستبەسەر کرانی شاعێر و نووسەری بۆکانی لە لایەن  هێزەکانی ئیتلاعەتەوە

 

هێزەکانی دەزگای ئیتلاعاتی شاری بۆکان، شاعێر و نووسەرێکی لاوی ئەم شارەیان دەستبەسەر کرد.

بە پێی هەواڵی گەیشتوو بە ماڵپەڕی زاگرۆس پۆست، دەزگای ئیتلاعاتی شاری بۆکان، ڕۆژی شەممە ، ڕێکەوتی ١٢ی پووشپەڕ، هێرشیان کردووتە ماڵی شاعێر و نووسەرێکی ئەو شارە  و ناوبراویان دەستبەسەر کردووە.

شووناسی ئەم شاعێر و نووسەرە بۆکانییە “ئەنوەر عەرەب” ڕاگەیەندراوە.

سەرچاوەیەکی ئاگادار سەبارەت بە چۆنییەتی دەستبەسەرکرانی ناوبراو بە هەواڵنێری زاگرۆس پۆست، ڕایگەیاندووە کە، ” هێزەکانی سەر بە ئیتلاعاتی شاری بۆکان بە بێ هیچ ئاگادارکردنەوەیەک یان بەڵگەیەکی فەرمی هێرشیان کردووەتە ماڵی ناوبراو و دەستبەسەریان کردووە و بۆ شوینێکی نادیاریش گواستوویانەتەوە”.

“ئەنوەرعەرەب” تەمەن ٣٢ ساڵانە و  خاوەنی بڕوانامەی لیسانسی مێعماریە و یەکێک لە ئەندامە چالاکەکانی ئەنجومەنی ئەدەبی شاری بۆکانە .

جێگای ئاماژەیە ناوبراو خاوەنی یەک بەرهەمی ئەدەبیە کە بە چاپ گەیشتووە.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …