زاگرۆس پۆست
یەکێک لە چالاکانی مەدەنی لە شاری سنە، لە لایەن دادگای ئەو شارەوە بانگهێشت و لێکۆڵینەوەی لێ کراوە.
بەپێی هەواڵی گەیشتوو بە ماڵپەڕی زاگرۆس پۆست، ڕۆژی دووشەممە ڕێکەوتی ١١ی پووشپەڕی ١٣٩٧ی هەتاوی، “خەبات شەکیبا”، یەکێک لە چالاکانی مەدەنی و ژێنگەپارێزی شاری سنە، لە لایەن لەقی دووی دادگای شۆڕشی شاری سنە بانگهێشت کراوە و بە ماوەی یەک کاتژمێر لێکۆلێنەوەیان لێ کردووە و لە کۆتایشدا بە داماننامە بە شێوەی کاتی ئازاد کراوە.
شایانی باسە “خەبات شەکیبا”، پێشتریش لە لایەن دەزگای ئیتلاعاتی شاری سنەوە بانگهێشت و لێکۆڵینەوەی لێ کراوە.
لە چەند مانگی ڕابردوودا، دەزگای ئیتلاعاتی سەر بە ڕژیم لە ڕۆژهەڵاتی کوردستان، گوشاری زۆری خستووەتە سەر هاووڵاتیانی کورد و بە بیانۆ و هۆکارگەلێکی جۆراوجۆر و لە زۆربەی جار بێبنەما، بە بێ بەرچاو گرتنی هیچ مافێکی شارۆمەندی، هاووڵاتیان بانگهێشت و لە ئاکامیشدا دەستبەسەریان دەکەن و حوکمیشیان بەسەردا دەسەپێنن.
