پێنج شه‌ممه‌ 24 كانونی دووه‌م 2019
ماڵەوە / ئێران / ٥٠ شیرکەت لە دادوستەدی تیجاری لەگەڵ ئێران دادەبڕێن

٥٠ شیرکەت لە دادوستەدی تیجاری لەگەڵ ئێران دادەبڕێن

“برایان هۆک”، یەکێک لە ڕاوێژکارانی پلە بەررزی وەزارەتی دەرەوەی ئامریکا، ڕایگەیاندووە کە؛ ” ٥٠ شیرکەت بۆ دابڕینی تیجاریان لەگەڵ ڕژیمی ئێران هاوکاری خۆیان ڕاگەیاندووە”.

ناوبراو، ڕۆژی دووشەممە ڕێکەوتی ١١ی پووشپەڕ، لە دانیشتنێکی ڕۆژنامەوانیدا ڕایگەیاندووەکە؛ ” ئامانجی سەرەکی ئامریکا، پاڵپشتی زیاتری وڵاتانە لە دەوڵەتی ئامریکا لەهەمبەر تەحریم‌گەلێک کە لە بواری هەنادرە نەکردنی بەرهەمی نەوتی ئێران لە بازاری جیهانیدا لە ئارادایە ، تا ئاستی ئەو هەناردەنەکردنەی نەوتی ڕژیمی ئێران بە ئاستی سفر بگات”.

“هۆک” هەروەها لە درێژەی وتەکانیدا ئاماژەی بە ناوی ئەو ٥٠ شیرکەتە  نەکرد ، بەڵام ڕایگەیاندووە کە مەبەستی سەرەکی ئەم گوشارانە، کە بەسەر ڕژیمی ئێراندا دەسەپێت بۆ ئاڵوگۆڕ هێنان بە کردەوەی سەرکردەکانی ڕژیمی ئێرانە.

ڕاوێژکاری پلە بەرزی وەزارەتی دەرەوەی ئامریکا هەروەها ڕایگەیاند کە؛ ” واشینگتۆن لە هەوڵدایە بە هەموو توانی، قەرەبووی نەبوونی نەوتی ئێران لە بازاری جیهانی نەوتدا بکاتەوە”.

شایانی باسە کە ؛ “چین”،  “هێند”، ” یەکێتی ئورووپا”، “ژاپۆن”، “کۆرەی باشوور”، کریارانی سەرەکی نەوتی ئێرانن و هاوکاری ئەم وڵاتانە لەگەڵ دەوڵەتی ئامریکا ،بۆ بردنە پێشی بڕیاری تەحریمەکانی ئامریکا لە سەر ڕژیمی ئێران و پەراوێزخستنی نەوتی ئێران لە بازاری جیهانیدا، کاریگەری زۆری هەیە.

 

 

 

بابەتی هاوپۆل

مانگرتن و ناڕه‌زایه‌تی دەربڕینی خۆیندكارانی زانكۆی رازی كرماشان

ڕۆژی شه‌ممه‌ ٢٩ی به‌فرانبار، خۆیندكارانی زانكۆی رازی كرماشان، له‌ ناڕه‌زایه‌تی به ئاستی له‌ خواره‌وه‌ی‌ خواردەمەنیەکانی …