یه‌ك شه‌ممه‌ 18 تشرینی دووه‌م 2018
ماڵەوە / سیاسی / “محەمەد ئەمین عەبدۆڵڵاهی”، لە چارەسەری پزشکی بێبەری کرا

“محەمەد ئەمین عەبدۆڵڵاهی”، لە چارەسەری پزشکی بێبەری کرا

 

بەرپرسانی زیندانی شاری بیرجەند، “محەمەد ئەمین عەبدۆڵڵاهی”یان لە چارەسەری پزشکی ، بێبەری کرد.

بەپێی هەواڵی گەیشتوو بە زاگرۆس پۆست، ئەم زیندانییە سیاسییە کوردە ، کە  بەهۆی ئەشکەنجەوە تووشی چەندین جۆر نەخۆشین بووە و ئێش و ئازارێکی زۆری  بەسەردا زاڵ بووە، بەرپرسانی زیندانی بیرجەند، لە چارەسەری پزشکی ناوبراو لە دەرەوەی زیندان خۆ دەبوێرن.

سەرچاوەیەکی ئاگادار سەبارەت بە بارودۆخی ناوبراو ڕایگەیاند کە؛ ” بەرپرسانی زیندانی بیرجەند، داواکاری محەمەد ئەمین”یان سەبارەت بە چارەسەری پزشکی لە دەرەوەی زیندان ڕەت کردووەتەوە و سەڕەڕای بێبەری‌بوونی لە چارەسەری پزشکی ، لە مافی ئازادی ڕەواش بێبەری کراوە”.

شایانی باسە “محەمەد ئەمین عەبدۆڵڵاهی”، مانگی ڕابردوو ، واتە جۆزەردان، لە کاتی “مەرەخەسی دەرمانی” لە شاری بۆکان، لە لایەن ‌هێزەکانی سەر بە ئیتلاعاتەوە دەستبەسەر و بۆ تێپەڕاندنی ماوەی حوکمەکەی بۆ زیندانی بیرجەند گوازراوەتەوە.

ئەم زیندانییە کوردە لە پائیزی ساڵی ٨٤دا بە تۆمەتی هاوکاری لەگەڵ یەکێک لە حیزبە ڕۆژهەلاتییەکان، ١٨ساڵ زیندانی تەعزیری و دوورخرانەوەی بۆ زیندانی تەبەس مەحکووم کراوە.

جیگای ئاماژەیە ناوبراو پاڵپشتی خۆی لەهەمبەر پێشگرتن بە ئێعدامی  “ڕامین حسین پەناهی” ڕاگەیاندبوو و داوای کردبوو کە پێش بە ئێعدامی ڕامین بگیرێت.

 

 

 

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …