یه‌ك شه‌ممه‌ 23 ئه‌یلول 2018
ماڵەوە / ئێران / بازاڕیانی شاری تاران مانیان گرت

بازاڕیانی شاری تاران مانیان گرت

کۆمەڵێک لە بازاریانی شاری تاران ڕۆژی دووشەممە رێکەوتی ٤ی پووشپەڕ، لەهەمبەر بەرزبوونەوەی بەهای دراو و هەروەها گرانی کەلوپەل و هاتنە خواری ئاستی داهاتی پارە بۆ بازاڕیان  دەستیان دایە مانگرتن و لە کردنەوەی دووکانەکانیان خۆیان بوارد.

بەپێی هەوالە بڵاوکراوەکان، لەسەرەتای  مانگرتنەکان، کووتاڵ فرۆشییەکان بازاڕی تاران بە دوای ئەوان بازاڕی گەورەی تاران سەرای “قەیسەریە” دوکانەکانیان داخست و دەستیان دایە مانگرتنێکی گشتی.

ئەمە لە کاتێکدایە کە لە شارە جیاجیاکانی ڕۆژهەلاتی کوردستانیش بە تایبەت شارە سنووریەکانی رۆژهەڵات بەهۆی بەسرانی سنوورەکان، خەڵک لە شارەکانی بانە، مەریوان، سەردەشت و پیرانشار و هەندێک شاری دیکە سفرەی خاڵیان لە نێو شەقامەکاندا ڕاخست و بە دانیشتن لە دەور ئەو سفرەیە ناڕزایەتی خۆیان لە هەمبەر گیرفانی خاڵی و سفرەی خاڵی و زگی برسی خۆیان دەربڕی و ئێستاش لە بازاڕی گەورەی پێتەختی ئێران بازاڕیان  بە بەستنی دووکانەکانیان دەستیان دایە مانگرتن و لە کردنەوەی دووکانەکانیان خۆیان بوارد.

بەهۆی گەماروەکان و گوشاری ڕێکخراوی نێونەتەوەیی لەسەر ڕژیمی ئێران و هەروەها دابڕانی تجاری وڵاتان لەگەڵ ڕژیم، گوشارێکی لە ڕادەبەدەر بەسەر خەڵکدا زاڵ بووە ، بەتایبەت لە ناوچە کوردنشینەکانی ئێران ،خەڵکی ناچار کردووە بۆ دابین کردنی بژێوی ژیانیان ڕوو لە کۆڵبەری بکەن کە دیسان لەوێش دەکەونە بەر دەسڕێژی گولەی هێزە نیزامییەکانی رژیم و لە ئاکامدا گیانیان لە دەست دەدەن.

بابەتی هاوپۆل

بریندار و گیان لە دەستدانی سێ کۆڵبەر لە سنووری چاڵدێران

ڕۆژی سێ شەممە ۲۷ی خەرمانان لە سنوری چاڵدێران هێزە چەکدارەکانی ڕژیم کاروانی کۆڵبەران دەدەنە بەر …