دوو شه‌ممه‌ 24 ئه‌یلول 2018
ماڵەوە / کوردستان / تەقینەوەی مین دیسان قوربانی لێکەوتەوە

تەقینەوەی مین دیسان قوربانی لێکەوتەوە

کۆڵبەرێکی کوردی خەڵکی شاری پیرانشار، پاش تەقینەوەی مین له به‌شی لاق و چاویەوە، کەمئەندام بووه و ئێستاش به‌ هۆی دەست کورتیی‌، توانای ‌دانی ‌تێچووی‌ چارەسەریی‌ پزیشکی ‌نییە.

بەپێی هەواڵی گەیشتوو بە ماڵپه‌ڕی زاگرۆس پۆست، کۆڵبەرێکی کورد بە ناوی “لوقمان وەحیدی” تەمەن ٣٦ ساڵ و کوڕی “خدر” خەڵکی شاری پیرانشار، کە بە هۆی تەقینەوەی مین چاو و لاقی لە دەستدا بوو، لە لایەن دەزگای قەزایی رژیم بە دانی بڕی ٢٣ میلیۆن تمەن پارەی‌نەختی‌مەحکووم‌کراوە.

ئەو کۆڵبەرە کوردە لە لێدوانێکدا وێڕای پشتڕاست کردنەوەی ئەم هەواڵە، وتی: “من لە هەمبەڕ بڕینەوەی ئەو حوکمه لە لایەن دادگای شاری پیرانشارەوە ناڕەزایەتیم دەربڕیووە، بەڵام هەتا ئێستاش حوکمی یەکجارەکی لەو باریەوەنەدراوە”.

ناوبراو هەروەها له‌ درێژه‌دا دەڵێت: “من بە هۆی دەستکورتی و هەژاری توانای دانی تێچووی چارەسەری پزیشکیم نییە و بۆ چارەسەری پزیشکی پێویستم‌بەیارمەتی‌ماڵی‌هەیە”.

ئەو کۆڵبەرە کوردە، سه‌‌بارەت به‌ هۆکاری بڕینەوەی ئەو حوکمە لە لایەن دادگای‌شاری‌ پیرانشارەوە لەوڵامدانەوە خۆی ‌بوارد.

ناوبراو خێزاندار و باوکی دوو منداڵە و و ڕۆژی دووشەممە ٢٩ی خەزەڵوەری ساڵی ٩٦واتە پارەکە، لە کاتی کۆڵبەری لە کوێستانی “کانی خوا”ی سەر به‌ شاری پیرانشار تووشی ڕووداوی تەقینەوەی مین بوو .

هه‌ژاریی ئابووری له‌ ڕۆژهه‌ڵاتی کوردستان، ته‌نگه‌ی به خه‌ڵکی کورد هێناوە و خه‌ڵکی کوردیش بۆ بژێوی ژیانی خۆیان به ناچار ڕوو له پیشه‌ی مه‌ترسیداری کۆڵبه‌ری ده‌که‌ن، ئە‌مە له‌ حاڵێکدایه که ڕۆژهه‌ڵاتی کوردستان سەرچاوەیه‌کی تێروتەسەلیی سروشتی و بازرگانی هه‌یه بەڵام به هۆی دزی و دەست پێداگرتنی زۆردارانی ڕژیم ، هیچ داهاتێک لەو سروەت‌وسامانە گەورەیە لە خاکی کوردستان بە خەڵکەکە ناگات و بە ناچار خەڵک ڕوو لە کۆڵبەری دەکەن و لە ئاکامدا مینە‌کان دەبنه ماڵ‌وێرانکەری گیانیی خەڵکی کورد

بابەتی هاوپۆل

بریندار و گیان لە دەستدانی سێ کۆڵبەر لە سنووری چاڵدێران

ڕۆژی سێ شەممە ۲۷ی خەرمانان لە سنوری چاڵدێران هێزە چەکدارەکانی ڕژیم کاروانی کۆڵبەران دەدەنە بەر …