دوو شه‌ممه‌ 20 ئایار 2019
ماڵەوە / کوردستان / دەست بەسەردا گرتنی ئەسپی کاسبکارانی کورد لە شنۆ

دەست بەسەردا گرتنی ئەسپی کاسبکارانی کورد لە شنۆ

هێزە نیزامیەکانی ڕژیم لە سنووری شاری شنۆ، دەستیان بە سەر ٣٠ سەر ئەسپی کاسبکاراندا گرت

ئێوارەی ڕۆژی پێنجشەممە ١٠ی جۆزەردان، هێزە نیزامییەکانی ڕژیمی ئێران،  دەستیان بەسەر٣٠ سەر لە ئەسپی بارهەڵگری کاسبکارانیان لە سنووری شاری شنۆدا گرت.

هێزە نیزامییەکان لە دوای دەسبەسەرداگرتنی ئەسپەکان، بارەکانیان لەگەڵ خۆیان بردوە.

لە لایەکی دیکەوە، هێزە ئینتزامییەکانی ڕژیمی ئێران، هۆشدارییان داوە به دانیشتووانی ئاوایی سۆفیانی شاری شنۆ لە ڕاگرتنی ئەسپ خۆ ببوێرن ،بە گوێپێنەدان بە هۆشداریی هێزە نیزامییەکان لەگەڵ سزای قەزایی ڕووبەڕوو دەبنەوە.

هێزە نیزامییەکانی ڕژیم لە شاری شنۆ، بەردەوام هەوڵی دەسبەسەرداگرتنی ئەسپی کاسبکارانی کوردیان داوە و لەو پەیوەندییەدا، دەیان سەر ئەسپی کاسبکارانیان کوشتووە.

 

بابەتی هاوپۆل

گیان لە دەستدانی دوو کۆڵبەر لە ورمێ

ڕۆژی یەک شەممە دوو کۆڵبەری کورد، خەڵکی ناوچەی تەرگەوەر، لە کاتی پەڕانەوە لە ڕووباری “جێرمێ” …