ماڵەوە / ئێران / مانگرتنی توێژە جیاجیاکان تادێت لە ئێران پەرە دەستێنێت

مانگرتنی توێژە جیاجیاکان تادێت لە ئێران پەرە دەستێنێت

ماوەی زیاتر لە یەک مانگە، چین و توێژە جیاجیاکانی بەشێکی زۆر لە ناوچە و شارە گەورەکانی ئێران بەهۆی خراپی باری ژیان و گوزەرانەوە دەستیان داوەتە مانگرتن و ئەم مانگرتنانەش ڕۆژ لە دوای ڕۆژ پەرە دەستێنن.

مانگرتنی کرێکاران لە کەرتەکانی ڕێگای ئاسن و کارگەکانی قەند، لە شارەکانی ئەهواز، ئەندیمشک، شیراز، تاران، تەورێز، ئیسفەهان و چەندان شاری دیکە، درێژەدەری ئەو ڕەوتە مانگرتن و ناڕەزایەتیانەیە کە بەرانبەر بە ژیان و گوزەران و بێکاری و گرانی و کەمتەرخەمیی حکوومەت ناو بەناو ڕوو دەدەن.

لە چەند هەفتە لەمەوبەریش مامۆستایان چەند شاری ئێران و هاوکات شارەکانی سنە، مەریوان و کرماشانیش دەستیان دایە مانگرتن و ناڕەزایی

. ڕێکخراوی ئۆتۆمبێلە بارهەڵگرەکان و شۆفێرانیش لە ناڕەزایی بە دۆخی خراپ و شپرزەی ئابووری، گرانبوونی کەلوپەل و کەمیی کرێی بار لە چەندین شاری ئێران مانگرتنیان ڕاگەیاندووە.

کەمیی گاز لە تاران و کەمیی بەنزین لە ئەراک، شیراز و چەند شارێکی دیکەی پارێزگای فارس، بووەتە هۆی ئەوەی کە قەرەباڵغییەکی زۆر لە وێستگەکان دروست ببێت و گرفت بۆ هاتوچۆ و هاووڵاتیان پەیدا بووە.

زانیارییەکان باس لەوە دەکەن کە هەتا ئێستا شۆفێرانی ئۆتۆمبێلی بارهەڵگری زیاتر لە دە شاری ئێران لەم شەپۆلە مانگرتنەدا بەشدارییان کردووە و لە هەر شارێک بە جۆر و شێوازێک ناڕەزاییان دەربڕیوە، کە ئەمەش بووەتە هۆی گرفتی چارەسەرنەکراوی هاتوچۆ و گواستنەوەی بار.

نزیکەی پێنج مانگ لەمەوبەر لە زیاتر لە 100 شاری ئێران خۆپیشاندان و ناڕەزایی فراوانی خەڵک لە بەرانبەر گرانی، بێکاری و ڕەوشی خراپی ژیان هاتە ئاراوە، کە توندوتیژیی زۆری لێ کەوتەوە کە تێیدا زیاتر لە 20 کەس بە تەقەی هێزە ئەمنییەکان کوژران و بە سەدان کەسیش بریندار و زیاتر لە پێنج هەزار کەسیش دەستگیر کران.

هەفتەی رابردووش لە شاری (کازروون)ی سەر بە پارێزگای فارس خۆپیشاندانی خەڵک لەلایەن هیزە ئەمنییەکانەوە بە گولە وەڵامی دراویەوە وچەند کوژراو و چەندین کەسی دیکەش بریندار و بە دەیان ئۆتۆمێلی حکوومەتی و بینا و باڵەخانەی دامودەزگاکان ئاگریان تێ بەر درا.

بابەتی هاوپۆل

کچێکی بۆکانی ئاگری لە جەستەی خۆی بەردا

بە پێی هەواڵێ گەیشتوو بە ماڵپەڕی زاگرۆس پۆست؛ رۆژی چوارشەممە ٢٤ی گەلاوێژ، کچێکی تەمەن ٢٠ …