یه‌ك شه‌ممه‌ 22 ته‌مموز 2018
ماڵەوە / سیاسی / راگەیەنراوی كۆمەڵە لەسەر دۆخی تەندروستی زیندانییەكی سیاسی

راگەیەنراوی كۆمەڵە لەسەر دۆخی تەندروستی زیندانییەكی سیاسی

كۆمەڵەی زەحمەتكێشانی كوردستان سەبارەت بە تەندروستی بەندكراوی سیاسی كورد، چەنگیز قەدەمخەیری هۆشداری دەدات‌و راگرتنی ئەو زیندانییە لەبارودۆخی نەشیاو مەحكوم دەكات.

دەقی راگەیەنراوەكە:

تەندروستی بەندکراوی سیاسی کورد چەنگیز قدەمخەیری لە مەترسیدایە

‎کۆمەڵانی ئازادیخوازی کوردستان!
ناوەندەکانی پارێزەری مافی مرۆڤ!
هێز و لایەنە سیاسییە ئازادیخوازەکان!
بە پێی ئەو هەواڵانەی بەدەستمان گەیشوون، چەنگیزی قەدەمخەیری زیندانیی سیاسی کورد کە بۆ زیندانی شاری “مسجد سلیمان” دورخراوەتەوە، باری تەندروستی ناجێگیرە و گیانی لە مەترسیدایە.
چەنگیز کە لە دایکبووی ئاوایی “هەنیمن”ی ناوچەی کامیارانە، بە تۆمەتی ئەندام بوون لە کۆمەڵەی زەحمەتکێشانی کوردستان ساڵی ١٣٩٠ی هەتاوی لە ناوچەی مەریوان دەستبەسەر کراوە و لە لایەن لقی یەکی دادگای ئینقلاب شاری سنە و لەلایەن بە ناو قازی حەسەن بابایی، ٤٠ ساڵ زیندانی بەسەردا دەسەپێ و، ساڵێک دواتر بۆ زیندانی “مسجد سلیمان” دوور دەخرێتەوە.
ناوبراو کە لە بەندی گیرۆدەبوان بە مادەی هۆشبەر و لە ژێرزەمینی ئەو زیندانەدا و لە باردۆخێکی نامرۆڤانە و لە ژینگەیەکی ناتەندرووستدا بەندکراوە، گورچیلەکانی لە کار کەوتوون و، سەرەرای داواکاری نەخۆشخانەی زیندان بۆ گواستنەوەی ئەم زیندانییە بۆ نەخۆشخانەیەکی دەرەوەی زیندان، ئیدارەی ئیتلاعاتی رژیم هەتا ئێستا رێگربووە و بە توندی دژایەتی ئەم داواکارییە دەکات.
ئێمە وێڕای مەحکومکردنی ئەم کردەوەیەی ئیدارەی ئیتلاعاتی کۆماری ئیسلامی، راگرتنی ئەم زیندانییە لەو هەلومەرجە نامرۆڤانەیەدا ریسوا دەکەین و داواکارین لە ناوەندەکانی داکۆکیکار لە مافەکانی مرۆڤ و رێکخراوە نێوخۆیی و نێودەوڵەتیەکان، بە مەبەستی رزگارکردنی گیانی چەنگیز قەدەمخەیری زیندانیی سیاسی کورد، کۆماری ئیسلامی بخەنە ژێرگوشارو، ئیجازە نەدەن کۆماری ئیسلامی بۆ دەربرینی دوژمنایەتی خۆی لەگەل خەڵکی ئێران و بەتایبەت گەلی کورد، بەمجۆرە دڕندانە لاوان و زیندانییانی سیاسی بکاتە قوربانی.

سڵاو لە خۆراگریی زیندانییانی سیاسی
مەرگ و نەمان بۆ کۆماری ئیسلامی

کۆمەڵەی زەحمەتکێشانی کوردستان
٢٨ی رێبەندانی ١٣٩٦ – ١٧ی فوریەی ٢٠١٨

بابەتی هاوپۆل

چالاکی مەدەنی کورد  لەشاری ســنە  دەستگیر کرا

یەکێک لە چالاکانی مەدەنی ناسراوی شاری سنە، دوایی بانکهێشت کردنی بۆ دادگا، دەستبەسەر کرا