دوو شه‌ممه‌ 19 تشرینی دووه‌م 2018
ماڵەوە / کوردستان / قاسم سولەیمانی: نابێت كەركوك بخرێتە سەر كوردستان
قاسم سلێمانی

قاسم سولەیمانی: نابێت كەركوك بخرێتە سەر كوردستان

قاسم سولەیمانی، لەگەڵ بەرپرسانی شاری كەركوك كۆبۆتەوە و ڕەتی كردۆتەوە كەركوك شارێكی كوردستانی بێت.

ماڵپەری میدڵ ئیست مۆنیتەر بڵاویكردووەتەوە قاسم سولەیمانی فەرماندەی گشتیی سوپای قودس سەردانی كەركوكی كردووە و لەگەڵ ژمارەیەك لە بەرپرسانی ئەو پارێزگایەدا كۆبووەتەوە بۆئەوەی ڕێگری بكرێت لە پێكدادانی نێوان هێزەكانی پێشمەرگە و هێزەكانی حەشدی شەعبی و وتویەتی “پێكدادانی نێوان حەشدی شەعبی و هێزەكانی پێشمەرگە دەچێتە خزمەتی داعشەوە”.

بەرپرسێكی كورد كە بۆ ماڵپەڕەكە قسەی كردوە نەیویستووە ناوی خۆی ئاشكرا بكات ڕایگەیاندوە “قاسم سولەیمانی بۆماوەی چەند رۆژێك لە هەرێمی كوردستان ماوەتەوە و دواتر سەردانی كەركوكی كردووە”.

پێشتر ماڵپەری “سپی” وەك یەكەم دەزگای میدیایی ئەوەی ئاشكرا كرد كە قاسم سولەیمانی لە هەرێمی كوردستانە و لەگەڵ بەرپرسانی باڵای یەكێتی و پارتی سەبارەت بە پرسی ڕیفراندۆم و ناوچە كێشە لەسەرەكان گفتوگۆی كردوە.

هەروەها لە هەواڵی ماڵپەڕەی میدڵ ئیست مۆنیتەر ئەوە هاتوە قاسم سولەیمانی لەمیانی سەردانەكەیدا جەختی لەوە كردووەتەوە “دەبێت كەركوك وەكو شاری هەموو عێراقییەكان بمێنێتەوە و ئەوەی ڕەتكردووەتەوە كە كەركوك بخرێتەسەر كوردستان”.

لای خۆشیەوە مەحمود عوسمان، سیاسەتمەداری كورد سەبارەت بە سەردانەكەی سولەیمانی بە ماڵپەرەكەی ڕایگەیاندووە “دەستێوەردانی دەرەكی لەبەرژەوەندی عێراقدا نییە”.

بابەتی هاوپۆل

نادیار ی چارەنووسی مامۆستایەکی دەستبەسەر کراو لە دیواندەرە

ڕۆژی ٢١ی خەزەڵوەر مامۆستایەکی خەڵکی شاری دیواندەرە لە لایەن هێزەکانی ئیدارەی ئیتلاعاتی ڕژیمی ئەو شارەوە …