سێ شه‌ممه‌ 16 تشرینی یه‌كه‌م 2018
ماڵەوە / کوردستان / سێ كۆڵبەر بەهۆی هەرەسی بەفرەوە گیانیان لەدەستدا

سێ كۆڵبەر بەهۆی هەرەسی بەفرەوە گیانیان لەدەستدا

ئێوارەی دوێنێ شەممە بەهۆی هەرەس‌و رنووی بەفر لە ناوچەی سەردەشت لە رۆژهەڵاتی كوردستان سێ كۆڵبەر گیانیان لەدەستدا.
ئێوارەی رۆژی شەممە  لە نزیک گوندی بێورانی سەر بە شاری سەردەشت رنووی بەفر بەسەر ژمارەیەک کۆڵبەردا هات، تاوەكو ئێستا 12 کەسیان دۆزراونەتەوە و تەندروستی 7 کەسیان باشە، گەڕان بۆ ئەگەری بوونی کۆڵبەری دیکەش لەژێر بەفردا بەردەوامە.

 
لەو رووداوەدا سێ كۆڵبەر بەناوەكانی عەلی محەممەد نەژاد تەمەن 18 ساڵ و خەڵكی سەردەشت، شێرزاد عەبدوڵڵاهی تەمەن 27 ساڵ و خەڵكی سەردەست، هیوا ئیبراهیمی تەمەن 22 ساڵ و خەڵکی شاری بانە گیانیان لەدەستداوە.

 
جێگەی باسە رۆژی هەینیش تیمێکی چوار کەسی لە شاخەوانانی بۆکان لە گەردەنەی خانی بانە کەوتنە ژێر رنووی بەفر و بەهۆیەوە دوو لە شاخەوانەكان بەناوی هەژیر قادریان و محیەدین سەلیمی لە شاخەکانی وەزنەی سەر بە گوندی قولقولەی شاری سەقز گیانیان لەدەستدا.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.