زاگرۆس پۆست
بنیامین نتانیاهو لە یادکردنەوەی هۆلۆکاستدا رژیمی ئێرانی وەک گەورەترین دوژمنی جولەکەکانی دنیا ناو برد و هیوای خواست دۆناڵد ترامپ رەفتارێکی جیاوازتر لە سەرۆکەکانی پێشووی ئەمەریکای بەرامبەر بەو وڵاتە هەبێت.
ئەمڕۆ هەینی بنیامین نتانیاهو ، سەرۆکوەزیرانی ئیسڕائیل لە یادی کارەساتی هۆلۆکاست لە ئورشەلیم لەوتارێكدا ئێرانی بە گەورەترین دوژمنی جولەکە و دەوڵەتی جوو لە دنیا وەسف کردوە.
سەرۆکوەزیرانی ئیسڕائیل ئاماژەی داوە، رژێمی ئایەتوڵاکان بە ئاشکرا و بەردەوام هەڕەشەی سڕینەوەی ئیسڕائیل لە نەخشەی جیهاندا دەکەن، بەڵام کۆمەڵگەی نێودەوڵەتی بەردەوام لە بەرامبەر ئەو هەڕەشانەدا بێدەنگی هەڵبژاردوە.
وتیشی: گەورەترین و مەترسیدارترین هەڕەشەکان بۆسەر ئیسڕائیل و جولەکەکانی جیهان، لە رۆژهەڵاتەوە سەرچاوە دەگرێت کە ئەویش کۆماری ئیسلامی ئێرانە.
