چوار شه‌ممه‌ 17 تشرینی یه‌كه‌م 2018
ماڵەوە / کوردستان / سەوڵاوا.. تەقینەوەی تەنكەری گاز سێ قوربانی لێكەوتەوە

سەوڵاوا.. تەقینەوەی تەنكەری گاز سێ قوربانی لێكەوتەوە

بەهۆی تەقینەوەی تەنكەرێكی گازی باشوری كوردستان لە شەقامێكی شاری سەوڵاوا، كەسێك گیانی لەدەستدا‌و دوو كەسی دیكەش برینداربوون.

بەپێی  هەواڵێكی ماڵپەڕی (زرێوار خەبەر) پێشنیوەرۆی ئەمرۆ چوارشەممە لەشەقامی سەرەكی سەوڵاوا تەنكەرێكی هەڵگری گازی پزیشكی نەخۆشخانە، كە بەرەو شاری سلێمانی لەباشوری كوردستان دەرۆیشت، تەقییەوە‌و بەهۆیەوە كەسێك گیانی لەدەستدا‌و دوو كەسی دیكەش برینداربوون.

بەپێی هەواڵەكە شۆفێری تانكەرەكە بەناوی ئەیوب غوڵامی كە بەهۆی برینداربوونەوە رەوانەی نەخۆشخانەی سەوڵاوا كراوە، تانكەرەكە هەڵگری مادەی سەرەتایی گازی پزیشكی نەخۆشخانە بووە كە لە رێگەی گەڕانەوەی بۆ سلێمانی، لەشاری سەوڵاوا تەقیوەتەوە.

بەهۆی تەقینەوەكە لاوێكی تەمەن 30 ساڵەی خەڵكی مەریوان گیانی لەدەستدا‌و دووبریندارەكەی دیكەش رەوانەی نەخۆشخانەی چەمران لە سەوڵاوا كراون.

هەروەها بەهۆی تەقینەوەكەوە زیان بە چەندین دوكان‌و ماڵی نزیك رووداوەكە كەوت.

بابەتی هاوپۆل

پەیامی ناوەندی هاوکاریی حیزبەکانی کوردستان لە سەر مانگرتنی مامۆستایان

راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان.