زاگرۆس پۆست
هێزەكانی سوپای توركیە رۆژی چوارشەممە 3ی خەرمانان دەستیان بە دانانی دیواری لەنێوان شارەكانی كۆبانێ لە رۆژئاوای كوردستان‌و شاری سرووج لە باكوری كوردستان كرد.
ده‌سته‌ی ناوخۆیی سه‌ر ئیداره‌ی خۆجێیه‌تی كانتۆنی كۆبانێ، له ڕاگه‌یه‌ندراوێكدا ڕایگه‌یاندووه:” سه‌ركه‌وتنه‌كانی هێزه‌كانی سوریای دیموكراسی و ڕاگه‌یاندنی فیدڕاڵیه‌تی ڕۆژ ئاوا له باكووری سووریا، ترس و دڵه‌ڕاوكێی لای وڵاتانی دراوسێ درووست كردووه، له‌سه‌رووی هه‌مووشیانه‌وه توركیا و ئه‌و وڵاتانه‌ی هاوپه‌یمانن له گه‌ڵیدا، ئه‌وه‌ش پاڵی پێوه نا ڕێكه‌وتنی نهێنی بكات بۆ لێدان له‌و ده‌ستكه‌وتانه‌ی كه گه‌لی ڕۆژ ئاوا به خوێنی ڕۆڵه‌كانی به‌ده‌ستی هێناوه.
هه‌روه‌ها ئه‌وه‌ش هاتووه، كه توركیا پێشێلكاری زۆری به‌رامبه‌ر مافه‌كانی ڕۆژ واوا كردووه، هه‌ر له كوشتن تا ده‌گاته ئه‌شكه‌نجه‌دانی هاووڵاتیان له‌سه‌ر سنوور، ئێستاش له هه‌وڵدایه بۆ درووستكردنی دیواری جیاكه‌ره‌وه له‌نێوان كۆبانێ و سرووج بۆ ئه‌وه‌ی گه‌لی هه‌ردوو ناوچه‌كه له یه‌ك داببڕێت.
داواش له ڕای گشتی و هێزه دیموكراسخوازه‌كان و گه‌لانی دنیا ده‌كه‌ن، به‌رامبه‌ر ئه‌و پێشێلكاریی و پیلان و پلانانه بوه‌ستنه‌وه كه ده‌یانه‌وێت سیاسه‌تی برسێتی كردن و گه‌مارۆدان به زۆر بسه‌پێنن.
