سێ شه‌ممه‌ 23 تشرینی یه‌كه‌م 2018
ماڵەوە / کوردستان / سنە.. كرێكارێكی كورد بێسەروشوێن دەكرێت

سنە.. كرێكارێكی كورد بێسەروشوێن دەكرێت

كرێكارێكی كورد كە لە هەرێمی كوردستان سەرقاڵی كرێكارییە، لەسەردانێكی بۆ ئێران لەلایەن هێزەكانی ئیتلاعاتەوە دەستگیر‌و تا ئێستاش بێ سەروشوێنە.

بەپێی ئەو هەواڵەی بە زاگرۆسپۆست گەیشتووە ناسر وەیسی، لاوێكی تەمەن 30 ساڵەی خەڵكی ئاوایی كۆركۆرەی شاری سنەیە كە پاش ماوەیەك كرێكاری كردن لە باشوری كوردستان هەفتەی رابردوو بۆ سەردانی بنەماڵەكەی بۆ ئێران گەڕایەوە.

بەپێی زانیارییەكان لەشاری مەریوانەوە بە بنەماڵەكەی بە تەلەفۆن دەڵێت كە 2 كاتژمێری دیكە دەگاتە سنە‌و لەماڵەوە دەبێت، بەڵام ئەمرۆ 6 رۆژە هیچ هەواڵێكی نیە‌و بێسەروشوێنە.

ناسر وەیسی پێشتریش لەلایەن هێزەكانی ئیتلاعاتەوە بە تۆمەتی پەیوەندی لەگەڵ یەكێك لە حیزبەكانی رۆژهەڵات دەستگیر‌و ماوەی 2 مانگ لەزینداندا بووە.

بابەتی هاوپۆل

پزیشكێكی كورد پاش 6 ساڵ زیندان تا ئێستاش چارەنوسی نادیارە

زیاتر لە شەش ساڵە دكتۆرێكی كورد خەڵكی شاری سنە لەزیندانی ئێڤیندایە‌و تا ئێستاش چارەنوسی نادیارە.