زاگرۆس پۆست
جەعفەر عەزیمزادە، سەرۆكی یەكێتی ئازادی كرێكارانی ئێران پاش دوومانگ مانگرتن لەخواردن، پاش ئەوەی بەڵینی پێدراوە پێداچونەوە بە دۆسیەكەیدا دەكرێت، لەزیندان ئازاد كرا.
یەكێتی ئازادی كرێكارانی ئێران بە بڵاوكردنەوەی ئەو هەواڵە رایگەیاند كە جەعفەر عەزیمزادە كۆتایی بە مانگرتنی خۆی هێنا.
لە رۆژانی رابردوو چەندین كەسایەتی‌و رێكخراوی مافی مرۆڤ‌و هەڵسوڕاوانی كرێكاریی نیگەرانی خۆیان لە درێژە كێشانی مانگرتنی عەزیمزادە راگەیاندبوو.
جەعفەر عەزیمزادە یەكێك لەو كەسانە بوو كە دەستی لەئامادەكردنی تۆمارێكی 40 هەزار كەسی كرێكاران بۆ زیادكردنی حەقدەستەكانیان بوو، ناوبراو بە تۆمەتی هەوڵدانی دژی ئەمنیەتی رژیم، نانەوەی ئاژاوە‌و پرۆپاگەندە دژی كۆماری ئیسلامی بە شەش ساڵ زیندان مەحكوم كرابوو.
