یه‌ك شه‌ممه‌ 10 كانونی یه‌كه‌م 2023

نزیكەی 400 رێكخراو داواكارن كوردانی چوارپارچەی كوردستان پشتیوانی لە كەبودوەند بكەن

نزیكەی 400 رێكخراوی مەدەنی لە بەیاننامەیەكدا پشتیوانی خۆیان لە محەمەد سدیق كەبودەوەند، رادەگەیەنن‌و داوا لەكوردانی چوارپارچەی كوردستان دەكەن پشتیوانی لێ بكەن.

لە بەیاننامەكەدا كە وێنەیەكی بۆ زاگرۆسپۆست نێردراوەهاتووە: كەبودبەند نموونەی زیندانی خۆڕاگر لە زیندانە رەشەكانی كۆماری ئیسلامی ئێرانە , تا ئێستا چەندین جار دەستی داوەتە مانگرتن و ناڕەزایەتی بەرامبەر بە دڕندایەتییەكانی كۆماری پەت و سێدارەی ئیسلامی ئێران .

دەقی بەیاننامەكە:

سڵاو لە خۆڕاگری كەبودبەند
ماوەی 23 رۆژە سەرۆكی پێشوی رێكخراوی مافی مرۆڤی رۆژهەڵاتی كوردستان محەمە سدیق كەبودبەند , چالاكوان و رۆژنامەنوسی رۆژهەڵاتی كوردستان , دەستی داوەتە مانگرتن لە خواردن وەك وەڵامدانەوەیەك بەرامبەر بە درێژكردنەوی سزاكەی, كە ماوەی 9 ساڵە لە زیندانەكانی كۆماری ئیسلامی ئێرانە .
كەبودبەند نموونەی زیندانی خۆڕاگر لە زیندانە رەشەكانی كۆماری ئیسلامی ئێرانە , تا ئێستا چەندین جار دەستی داوەتە مانگرتن و ناڕەزایەتی بەرامبەر بە دڕندایەتییەكانی كۆماری پەت و سێدارەی ئیسلامی ئێران .
ئێمە وێڕای پشتیوانی لە مانگرتنی كەبودبەند , داواكارین هاووڵاتیانی هەر چوار پارچەی كوردستان و حیزب و رێكخراوەكان پشتیوانی لە كەبودبەند نمونەی داكۆكیكەری مافی مرۆڤ بكەن, هاوكات بەهۆی تێكچوونی باری تەندروستییەوە داواكارین مانگرتنەكەی بشكێنێت, بۆ ئەوەی بەردەوام بێت لە گەیاندنی پەیامەكەی كە داكۆكیە لە مافی مرۆڤ و بەرەو روبونەوەی دكتاتۆریەت .
سڵاو لە خۆڕاگری كەبودبەند
سڵاو لە خۆڕاگری سەرجەم زیندانییەكانی كۆماری ئیسلامی ئێران

تۆڕی رێكخراوە كوردستانییەكان – 314 رێكخراو
تۆڕی دژ بە چەكی ناوكی 58 رێكخراو
كوردستان بێ جینۆساید
رێكخراوی یەكبونی گەنجان
تۆڕی پەرەپێدانی تواناکانی خەڵک 4 رێکخراو

بابەتی هاوپۆل

بازداشت حکیم محمدپوری، فعال زیست‌محیطی عضو انجمن پاژین بانە

در ادامە بازداشت فعالان کورد در کوردستان ایران، یکی از اعضای فعال انجمن زیست‌محیطی “پاژین” …