چوار شه‌ممه‌ 6 كانونی یه‌كه‌م 2023
مەریوان وریا قانع

بۆ کەبوودوەند کە بەتەنیا لەبەردەم مردندا وەستاوە…/ مەریوان وریا قانیع

من محەمەد سدیق کەبوودوەند ناناسم بەڵام ھەستدەکەم پیاوێکە چەندان سەدە تەمەنی ھەیە، ھەموو ئەوانەی جەنگ بۆ مافەکانی مرۆڤ و بۆ پاراستنی کەرامەتی ئینسان دەکەن برای عەقڵیی و ویژدانیی و ئەخلاقیی ئەم پیاوەن، تەمەنیان درێژکراوەی تەمەنی ئەوە. ئەم پیاوە لە وڵاتێکدا شەڕ بۆ پارستنی کەرامەتی مرۆڤەکان دەکات، کە تیایدا کوشتنی مرۆڤێک و کوشتنی مێروویەک وەک یەکە. مرۆڤ لە ئێرانی ئەمڕۆدا بەھایەکە لەڕیزیی ھەرە خوارەوەی ھەموو بەھاکانی تردا، شتێکە دەشێت زۆر بەئاسانی وێران و پارچەپارچە بکرێت، ھەموو سوکایەتییەکانی ناو مێژووی بەرامبەر بکرێت. ئەم وڵاتە ئەمڕۆکە بە کردەوە یەکێکە لە وڵاتە ھەرە ناشیرینەکانی دونیا، حوکمڕانەکانی تێکەڵێکی ترسناکن لە بەربەریەتیی تەقلیدیی و بەربەریەتی مۆدێرن، لە دۆگمە گەورەکانی تیۆلۆژیا و ڕووە تۆقێنەرەکانی تەکنۆلۆژیا، لە دڵڕەقی دین و دڵڕەقیی چەکی مۆدێرن، فاناتیزمی دینیی و ڕقی ئاوساوی ناسیۆنالیستیی، سزای چاخە کۆنەکان و تەکنیکی دیسپلینی مۆدێرن. ئێرانی ئەمڕۆ ئێرانێکی نەخۆش وکەنەفت و بیمارە، محەمەد سدیق کەبوودوەند لەھەوڵی تیمارکردنی مرۆڤە بریندارەکانی ناو ئەو نەخۆشخانە گەورەیەدایە. بەرگریکردن لە ژیانی ئەم پیاوە بەرگریکردنە لەو کەمە لە بەھا ی پاک کە لەو ناوچەیەدا ماوەتەوە.

بابەتی هاوپۆل

بازداشت حکیم محمدپوری، فعال زیست‌محیطی عضو انجمن پاژین بانە

در ادامە بازداشت فعالان کورد در کوردستان ایران، یکی از اعضای فعال انجمن زیست‌محیطی “پاژین” …