ماڵەوە / کوردستان / سەردەشت: کاسبکارێکی کورد بە تەقەی هێزە نیزامیەکانی رژیمی ئیسلامی بریندار بوو

سەردەشت: کاسبکارێکی کورد بە تەقەی هێزە نیزامیەکانی رژیمی ئیسلامی بریندار بوو

هێزی ئینتزامی رژیمی ئیسلامی ئێران لە سنووری “قەندۆڵ” سەر بە شارۆچکەی “قەلادزێ و سنووری شاری سەردەشت” تەقەیان لە چەند کۆلبەر و کاسبکارێکی کورد کردوە و کەسێکیان بریندار کردوە.

بە پێی هەواڵەکان رۆژی سێشەممە رێکەوتی 17ی رەشەممە هێزەکانی ئینزامی و سپای رژیمی ئیسلامی  کیلومتر دزەیان کردوەتە ناو خاکی هەرێمی کوردستان و تەقەیان لە کۆڵبەر و کاسبکارانی کورد کردوە و بەو هۆیەوە کاسبکارێک بە توندی بریندار دەبێت و دەیان ئەسپی کاسبکارانیش دەکوژن.

 

بە پێی هەواڵەکان ناوی ئەو کاسبکارە “س.ئەلف”ە کە بە توندی بریندار بوە و رەوانەی نەخۆشخانەی قەڵادزێ کراوە.

جێگەی ئاماژەیە کە ڕۆژی یەکشەممە ١٦ی ڕەشەمە، کۆڵبەرێکی دیکەی کورد بە ناوی “مادێح پەرتەوی” تەمەن ٢٢ ساڵە، لە لایەن هێزە ئەمنیەتییەکانەوە دەدرێتە بەر دەستڕێژی گوللە و بەو هۆیەوە گیانی لەدەست‏دا.

جێگەی ئاماژەیە کە بە پێی هەواڵەکان لە سەرەتای ئەمساڵەوە هەتا ئێستا، زیاتر لە 25 کۆڵبەری کورد لە لایەن هێزەکانی حکوومەتییەوە دراونەتەوە بەر دەستڕێژی گوللە و لە کۆی گشتی ئەو ڕێژەیە، ١٣ کەس کوژراو و ١٢ کەسی دیکەش بریندار کراون.

بابەتی هاوپۆل

ڤیدیۆ.. دوو كچی دیكەی ناڕازی دژ بە حیجابی ئیجباری دەستگیركران

بزوتنەوەی ناڕەزایی ژمارەیەك لە ژنان كچانی ئێرانی دژی حیجابی زۆرەملێ بەردەوامە‌و لەماوەی 24 كاتژمێری رابردوو …