چوار شه‌ممه‌ 24 كانونی دووه‌م 2018
ماڵەوە / ئێران / عەرەبستان تیرۆركردنی قاسملو و شەرەفكەندی بە بیری ئێران دەهێنێتەوە

عەرەبستان تیرۆركردنی قاسملو و شەرەفكەندی بە بیری ئێران دەهێنێتەوە

وەزارەتی دەرەوەی سعودیە لیستێكی لەبارەی چەندین كردەوە “تیرۆریستی” ئامادەكردووە، كە حكومەتی ئێران تۆمەتباری سەرەكیە بە ئەنجامدانیان، لەوانە تیرۆری دوو سەركردەی دیاری رۆژهەڵاتی كوردستان.

ناكۆكیەكانی تاران و ریاز تا دێن فراوانتر دەبن و لە درێژەی ناكۆكیەكانی نێوانیان، وەزارەتی دەرەوەی سعودیە لە راپۆرتێكدا ئاماژەی بە 58 كردەوەی “تیرۆریستی” داوە كە كۆماری ئیسلامی ئێران تۆمەتباری سەرەكی ئەنجامدانیانە.

لە بڕگەی 16 ی ئەو لیستەدا ئاماژە بە تیرۆری عەبدولرەحمان قاسملوو سكرتێری پێشووی حزبی دیموكراتی كوردستانی ئێران و عەبدوڵا قادری ئازەر كراوە لە ساڵی 1989.

هەر لەو بڕگەیەدا تیرۆری سادق شەرەفكەندی سكرتێری هەمان حزب كراوە لە ریستۆرانتی میكۆنۆس لە ئاڵمانیا.

لە بڕگەی 19 ی لیستەكەدا ئاماژە بە بڕیاری دادگای میكۆنۆس كراوە، كە تێیدا وەك تۆمەتباری سەرەكی دۆسیە كوشتنی شەرەفكەند ئاماژە بە عەلی فەلاحیان وەزیری ئەو كاتەی ئیتلاعاتی ئێران كراوە و فەرمانی دەستگیركردنی بۆ دەرچووە.

ئێران و سعودیە وەك دوو هێزی ناوچەیی كە بانگەشە رێبەرایەتی كردنی هێڵەكانی شیعە و سونە دەكەن، لەسەر چەندین پرسی دەڤەرەكە ناكۆكیان هەیە و لە پاش لە سێدارەدانی رابەری شیعەكانی سعودیە، لە لایەن حكومەتی ریازەوە، پەیوەندیەكانیان زیاتر لە هەموو كاتێكی تر گرژی تێكەوتووە.

بابەتی هاوپۆل

یەكێك لەگیراوەكانی خۆپیشاندانەكان لە ژێر ئەشكەنجەدا گیانی لەدەستدا

لاوێكی 23ساڵەی تارانی كە لەخۆپیشاندانەكانی چەند رۆژی رابردوو دەستگیركرابوو لە زیندانی ئێڤین لە ژێر ئەشكەنجە …