پێنج شه‌ممه‌ 28 ئازار 2024

كۆڕێك بۆ رۆمان نوسی كورد عەتا نەهایی سازكرا

كۆڕێكی زانستی سەبارەت بە كاریگەریی هەلومەرجی كۆمەڵایەتی لەسەر رۆمانی كوردی، بۆ رۆماننوسی ناسراوی كورد عەتا نەهایی لەشاری سەقز سازكرا.
لە درێژەی زنجیرە کار و چالاکییە هاوبەشەکانی ئەنجوومەنی کۆمەڵناسی کوردستان و ئەنجوومەنی فەرهەنگی – ئەدەبی پەیڤ، ئەمڕۆ دووشەممە رێکەوتی ١٣٩٤/٩/٣٠ کاتژمێر سێ دوانیوەڕۆ بە بەشداری ژمارەیەکی زۆر لە چالاکانی بواری کولتوری و کۆمەڵایەتی شارەکانی سەقز، بانە وبۆکان ، لە هۆڵی ئیرشادی سەقز کۆڕێکی زانستی سەبارەت بە کاریگەری هەل و مەرجی کۆمەڵایەتی لە سەر رۆمانی کوردی بۆ نووسەر و رۆماننووسی ناسراوی کورد کاک عەتا نەهایی بەڕێوە چوو.
لەم کۆرەدا گوتاربێژ بە تێر و تەسەلی پێوەندی نێوان کۆمەڵگا و رۆمانی خستە بەر باس و پێی وابوو رۆمان یەکەم ژانری مودێڕنە کە کۆمەڵگا بە تەواوەتی لەوێدا رەنگی داوەتەوە .گوتار بێژ لە سەر ئەو باوەڕە بوو ئەم رەنگدانەوە بە دوو شێوە خۆێ نیشان ئەدات: یەکەم وەکوو کۆمەڵگای راستەقینە ،دووەم وەکوو کۆمەڵگای ئەڵترناتیڤ.
لە بەشێکە دیکەی قسەکانیدا نووسەر زۆر بە وردی و ژیرانە خەسارەکانی رۆمانی کوردی بە گشتی خستە بەر باس و پێی وابوو کێشەی سەرەکی رۆمانی کوردی بۆ نەبوونی مەعریفە یان دروستر بڵێین لە خوارەوەبوونی مەعریفەی نووسەری کورد دەگەڕێتەوە، ئەگەرچی نووسەر لە سەر ئەو باوەڕەبوو کە زاڵبوونی ئەم هەل و مەرجە هۆکاری تایبەتی خۆی هەیە.
لە ئەنجامدا کۆڕەکە بە پرسیار و رەخنە و تێبینی بەشداربووان کۆتایی پێهات.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …