دوو شه‌ممه‌ 23 نیسان 2018
ماڵەوە / کوردستان / “دیواری میهرەبانی” لەسەقز دادەمەزرێت

“دیواری میهرەبانی” لەسەقز دادەمەزرێت

بەهاتنی وەرزی سەرما ژمارەیەك هەڵسوڕاوی مەدەنی لەشاری سەقز لە پرۆژەی “دیواری میهرەبانی” داوا لە هاوڵاتیان دەكەن جلوبەرگی زیادەی خۆیان بەهاوشارییەكانیان ببخەشن.

لە راگەیەنراوێكدا كە ژمارەیەك چالاكوانی مەدەنی شاری سەقز بڵاویانكردوەتەوە داوا لە هاوشارییەكانیان دەكەن كە لەم وەرزی سارد‌و سەرمایە زۆر بنەماڵە هەیە بەهۆی نەبوونییەوە ناتوانێت جلوبەرگی ئەم وەرزە بۆ خۆیان دابین بكەن، بۆیە داوا لەو بنەماڵانە دەكات ئەو جلوبەرگ‌و پێڵاوانەی زیادەیان هەیە لە دیواری میهرەبانی دابنێن تا هاوشارییەكانین بەكاریان بێنن.

بەپێی راگەیەنراوەكە “دیواری میهرەبانی” لەدوو شوێن: دیواری ئیدارەی دوخانیات بلواری كوردستان‌و، دیواری تەنیشت سەبت‌و ئەحواڵ دادەنرێت‌و ئەو كەسانەی پێویستیان بە جلوبەرگ‌و پێڵاوی زستانە هەیە لەو دوو شوێنە دەتوانن دابینی بكەن.

پرۆژەی “دیواری میهرەبانی” پێشتر لەچەندین شاری دیكەی ئێران لەلایەن چالاكانی مەدەنی بەڕێوەچووە.

بابەتی هاوپۆل

ئێران.. لەهەر سێ خولەك “تەڵاق”ێك تۆمار دەكرێت

ساڵی 1396 لە ئێران زۆرترین ئاماری تەڵاق‌و جیابوونەوەی هاوسەرەكان تۆمار كراوە‌و بە پێی ئەو ئامارە …