وێنە.. تانكرێكی سوتەمەنی لە گوندی سەڵەوات ئاوا تەقییەوە

پاش نیوەرۆی ئەمرۆ تانكرێكی سوتەمەنی كە باری بێنزینی پێبووە لە نزیك ئاوایی سەڵەوات ئاوای شاری سنە تەقییەوە‌و ئاگری گرت.

بەپێی سەرچاوەكانی هەواڵ كاتژمێر نزیك 2ی پاشنیوەرۆی ئەمرۆ دووشەممە تانكرێك كە باری بێنزینی لەتارانەوە بەرەو سنە هەڵگرتبوو لەنزیك پردی ئاوای سەڵەوات ئاوای نزیك شاری سنە وەردەگەرێت‌و بەخێرایی دەتەقێتەوە‌و ئاگر دەگرێت.
بەپێی دوا هەواڵەكان لەم رووداوەدا تەنیا شۆفیری تانكرەكە برینداربووە‌و رەوانەی نەخۆش خانە كراوە.
ساڵانە لە ئێران بەهۆی ستانداردنەبوونی رێگاكان‌و ئۆتۆمبیلەكان بەسەدان كەس لەرووداوەكانی هاتوچۆ گیان لەدەستدەدەن.