زاگرۆس پۆست
بەوتەی بەڕێوەبەری كۆمەڵەی مانگی سوری پارێزگای سنە، رۆژانە 8 كەس لە توشبوانی مادەی هۆشبەر لە شارەكانی ئەو پارێزگایە گیانیان لەدەست دەدەن.
حەسەن خودابەندەلو، رۆژی 28ی رەزبەر بە ئاماژە بەوەی كە بەوتەی ئەو لە ئێران ملیۆنێك‌و 350 هەزار توشبووی مادەی هۆشبەر هەیە، وتی: 65%ی توشبوانی بە نەخۆشی ئیدز لەناو كەسانی توشبوو بە مادە هۆشبەرەكاندایە.
بەوتەی ناوبراو لەئێستادا لەسەرو 17 هەزاركەس لە پارێزگای سنە توشبووی مادەی هۆشبەر هەیە‌و بە پێی ئاماری پزیشكی دادوەریی رۆژانە هەشت كەس لەم توشبووانە گیانیان لەدەست دەدەن.
وتەكانی ئەم بەرپرسە لەكاتێكدایە كە بە ئامارە نافەرمییەكان ژمارەی توشبووانی مادەی هۆشبەر لە ئێران‌و كوردستان زۆر لەو زیاترە.
