چوار شه‌ممه‌ 17 نیسان 2024

دوو شاخەوانی خەڵكی شاری ئیلام گیانیان لەدەستدا

بە وتەی لێپرسراوی مانگی سووری پارێزگای ئیلام دوو شاخەوانی كورد كە باوك و كوڕ بوون، بەهۆی بەربوونەوە لە شاخی “مانێشت” یەكیان گیانی لەدەست داوە و ئەوی دیكەشیان بە توندی بریندار بووە.

“حوسێن عارفی” بەرێوەبەریی ئیدارەی مانگی سووری ئیلام لە لێدوانێكدا بۆ ئاژانسی ئیسنا وێڕای پشتراست كردنەوەی ئەم هەواڵە وتی: “سەعات 11ی دوێنێ‌ سێشەممە دوو شاخەوانی تەمەن 60 و 24 ساڵ كە باوك و كوڕ بوون لە شاخی مانێشتی نزیك ئیلان بەربوونەتەوە و باوكەكە بەهۆی برینی قووڵ لەسەری پاش گواستنەوەی بۆ نەخۆشخانە گیانی لەدەست داوە.

ئەو بەرپرسە رایگەیاندووە بەهۆی شاخاوی و هەڵدێر بوونی شوێنەكە تیمی فریاگوزارییەكان پاش یەك سەعات گەیشتونەتە شوێن رووداوە و بەهۆی نەبوونی ئیمكانات و فڕۆكەی رزگاركەرەوە، دواتر لە كرماشانەوە فڕۆكەی تایبەتی شاخەوانی هێنرا و گوازرانەوە بۆ نەخۆشخانە، باوكە تەمەن 50 ساڵەكە پا و سەر و سكی بە قووڵی بریندار بووە و هەر ئەوەش بووە هۆی مەرگی.

ئەو بەرپرسە ئاماژەی بەوەش داوە شارەزا نەبوونیان لە رێگە و هاتوچی شاخەكە بووەتە هۆی بەربوونەوەیان.

هەتا ئێستە سەرچاوە فەرمییەكانی ئێران شوناس و ناوی ئەو دوو شاخەوانە كوردەیان رانەگەیاندووە.

مانێشت یەكێك لە بەرزرترین شاخەكانی پارێزگای ئیلامە كە لە باكووری ئەو پارێزگایە هەڵكەوتووە و 2629م بەرزە.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …