پێنج شه‌ممه‌ 13 كانونی یه‌كه‌م 2018
ماڵەوە / کوردستان / كۆڵبەرێكی دیكە بە تەقەی هێزەكانی كۆماری ئیسلامی كوژرا

كۆڵبەرێكی دیكە بە تەقەی هێزەكانی كۆماری ئیسلامی كوژرا

كۆڵبەرێكی كوردی دیكە لە ناوچە سنوورییەكانی شاری مەریوان دراوەتە بەر دەستڕێژی گولـلە و گیانی لەدەست داوە.

بەپێی راپۆرتی باسنیوز، كۆڵبەرێك بە ناوی “ئەسعەد ڕەحیم‌پوور” تەمەن 38 ساڵ و خەڵكی شاری سەوڵاوا لە ناوچە سنوورییەكانی ڕۆژهەڵاتی كوردستان كوژراوە.

“ئەسعەد ڕەحیم‌پوور” كە بە مەبەستی دابینكردنی بژیوی ژیانی خۆی و بنەماڵەكەی ڕووی لەناوچە سنوورییەكان كردبوو، بە دەستی هێزەكانی سپای پاسداران گیانی بەخت كرد.

دەوترێت ئەو هێزانە بۆسەیان بۆ كۆڵبەران و كاسبكارانی كورد داناوەتەوە و لەناكاو داوایانەتە بەر دەستڕێژی چەك و بەو هۆیەوە ئەو كۆڵبەرە كوردە گیانی لەدەست داوە.

باس لەوەش كراوە هەر لە ئەنجامی تەقەكردنەدا چەند سەر ئەسبی بارهەڵگری كاسبكارانیش بە كوژراون.

جێگای ئاماژەیە، لە سەرەتای ئەمساڵەوە هەتا ئێستا واتە لە ماوەی 6 مانگی رابردوو نزیكەی 40 كۆڵبەری كورد لە سەر سنوورەكانی كوردستان بە دەستی هێزەكانی كۆماری ئیسلامی كوژراو و بریندار بوون.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.