پێنج شه‌ممه‌ 18 ته‌مموز 2024

چالاكێكی مەدەنی كورد بانگهێشتی ئیدارەی ئیتلاعات كرا

چالاكێكی مەدەنی كوردی دانیشتووی شاری دێولان لە لایەن ئیدارەی ئیتلاعاتی ئەو شارەوە بانگهێشت و لێپرسینەوەی لێ كرا.

بە پێی هەواڵی كەمپەینی پشتیوانی كردن لە زیندانیانی سیاسی و مەدەنی، لە ماوەی چەند رۆژی رابردوو لە درێژەی گوشاری وەزارەتی ئیتلاعاتی پارێزگای سنە بۆ سەر چالاكانی مەدەنی، شارۆمەندێكی دانیشتووی شاری دێولان بە ناوی ” فوئاد حسێن پەناهی” بانگهێشتی ئیدارەی ئیتلاعات كراوە.

یەكێك لە دۆستانی نزیكی ئەم چالاكە مەدەنیە كە نەیویستووە ناوی ئاشكرا بكرێت بە كەمپەینی راگەیاندووە: فوئاد حسێن پەناهی بۆ ماوەی 4 كاتژمێر لێپێچینەوە و هەڕەشەی لێكراوە و لە كاتی لێپرسینەوەش لە لایەن یەكێك لە مەئموورانی وەزارەتی ئیتلاعات لێدراوە و بێ رێزی پێ كراوە.

جێگای باسە، لە ماوەی چەند مانگی رابردوو زۆرێك لە چالاكانی مەدەنی و فەرهەنگی پارێزگای سنە بۆ لێپێچینەوە بانگهێشتی وەزارەتی ئیتلاعات كراون، ئەمەش لە حاڵێكدایە كە كۆمەڵێك لەو چالاكانە كە بە بیانووی لێپێچینەوەیەكی ساكار بانگهێشتی ئیدارەی ئیتلاعات كراون دەستبەسەر و زیندانی كراون.

بابەتی هاوپۆل

بیان فرج‌اللهی، شهرووند اهل سنندج به شعبه اول دادگاه انقلاب این شهر احضار شد.

به گفته یک منبع مطلع، این فعال زن به اتهام “تبلیغ علیه نظام” به شعبه …