پێنج شه‌ممه‌ 13 كانونی یه‌كه‌م 2018
ماڵەوە / کوردستان / لاوێكی دیكە لە شاری بۆكان كوژرا

لاوێكی دیكە لە شاری بۆكان كوژرا

تەرمی لاوێكی خەڵكی شاری بۆكان بە بێ گیانی لە لایەن خەڵكەوە دۆزرایەوە.

بەپێی ئەو زانیارییانەی كە بڵاو كراونەتەوە، ناوی ئەو لاوە كوردە “كەیوان” بووە و لەناو خەڵكدا بە “كەیوانە سوور” ناسرابوو و تەرمەكەی لە گەڕەكی میراوای بۆكان دۆزراوەتەوە.

دەوترێت، كە ئەندامی نێرینەی كەیوان بڕدراوە و هەر بەو هۆیەشەوە گیانی لەدەست داوە.

بە وتەی كەسانی ئاگادار و ژمارەیەك خەڵكی ئەو شارە، كوژراوەكە كەسێكی بەدڕەوشت و “هاوڕەگەزباز” بووە و چەندین جار دەستدرێژی سێكسی كردووەتە سەر منداڵ و مێرمندالانی شارەكە.

جێگای وەبیرهێنانەوەیە، لە ماوەی یەك مانگی ڕابردوودا ئەوە سێیەمین كەسە كە بەدەستی كەسانی نەناسراوەوە لە شاری بۆكان دەكوژرێت.

پێشتریش دوو كەس بە ناوەكانی “حەسەن عەلیپوور” ناسراو بە (حەسەن بانەیی) و “عەبدوڵڵا دارەند” بە چەك تەقەیان لێكرابوو و كوژرابوون، كە دەوترێ مۆرەی ئیدارەی ئیتلاعاتی كۆماری ئیسلامی بوون.

بابەتی هاوپۆل

گوشار خستنە سەر ئەنجوومەنی ژینگەی وڵات لە لایەن کاربەدەستانی ڕژیم لە شاری بۆکان

شارەداریی و فەرمانداریی شاری بۆکان، گوشاریان خستوەتە سەر ئەنجومەنی ژینگەی “وڵات”، کە دەبێت چالاکییەکانیان ڕابگرن.