هەوڵەكان بۆ یەكگرتنەوە سێ لایەنی كۆمەڵە چڕتر دەبێتەوە

لەدرێژەی هەوڵەكانیان بۆ یەكگرتنەوەی ریزەكانی كۆمەڵە، سمینارێكی سیاسی لەلایەن سێ لایەنی كۆمەڵە لە وڵاتانی ئاڵمان بەڕێوەچوو.

رۆژانی 3‌و 4ی مانگی ئۆكتۆبر، لەشاری كۆڵنی ئاڵمان سێ لایەنی كۆمەڵە (رەوتی سوسیالیستی كۆمەڵە، هێڵی یەكگرتنەوە، كۆمەڵەی زەحمەتكێشانی كوردستان) سمینارێكی سیاسییان سەبارەت بە پرسی یەكگرتنەوەی ریزەكانی كۆمەڵە ساز كرد.
لەو سمینارەدا ژمارەیەكی بەرچاو لە كادر‌و ئەندامانی هەر سێ لایەنی كۆمەڵە‌و چەندین كادر‌و كەسایەتی لەمێژینەی كۆمەڵە بەشداربوون، گفتوگۆیەكی چڕ‌و پڕ لەسەر داهاتووی كۆمەڵە‌و یەكگرتن‌و لێكنزیكبوونەوەی لایەنەكانی كۆمەڵە كرا.